თბილისის ბაგა-ბაღების ხელმძღვანელმა თანამდებობა დატოვა

თბილისის ბაგა-ბაღების ხელმძღვანელმა თანამდებობა დატოვა

„ჩემი ინიციატივით, გუშინ მივმართე ქალაქ თბილისის ახალ მერს, ბატონ კახი კალაძეს და პირადი განცხადების საფუძველზე დავტოვე თბილისის ბაგა-ბაღების მართვის სააგენტოს ხელმძღვანელის თანამდებობა,“ - ეს განცხადება თემურ თორდინავამ გააკეთა.

თემურ თორდინავამ სამსახურიდან წასვლის შესახებ განცხადების დაწერის შემდეგ „რუსთავი 2“-თან საუბრისას განაცხადა, რომ ბაგა-ბაღების სააგენტოში ბევრი რამ გაკეთდა, თუმცა, ახალი ენერგიაა საჭირო სააგენტოს მუშაობაში.

„ამ ეტაპზე მე ვფიქრობ, რომ აღნიშნულ სფეროს ახალი ენერგია, ახალი ინიციატივები და ახალი მიდგომები სჭირდება,“ - განაცხადა თორდინავამ.

თემურ თორდინავამ ასევე განაცხადა, რომ მომავალ საქმიანობაზე განცხადებას უახლოეს მომავალში გააკეთებს.
120 ნახვა
14-11-2017, 08:36
ავტორი: news
GOGA.TV © 2005-2017 | საიტზე გამოქვეყნებული მასალის შინაარსზე და გამოქვეყნებით გამოწვეულ შედეგებზე პასუხისმგებელია ავტორი!