GOGA.TV
youtube
3
  • სიკვდილიანობისა და ინფიცირების რეკორდული სტატისტიკა შეერთებულ შტატებში

    სიკვდილიანობისა და ინფიცირების რეკორდული სტატისტიკა შეერთებულ შტატებში - ბოლო 24 საათში ვირუსმა 865 ამერიკელი იმსხვერპლა. ქვეყნას უკვე 4 ათასზე მეტი დაღუპული ჰყავს. რაც იმას ნიშნავს, რომ შეერთებულმა შტატებმა ფატალური შემთხვევების რაოდენობით ჩინეთს გაუსწრო. ინფიცირებულთა შორის 1000-ზე მეტი პოლიციელია, შველას ითხოვენ მეზღვაურებიც, 4 ათასზე მეტი ადამიანი ერთ-ერთ ამერიკულ ავიმზიდზე იმყოფება, სადაც კორონავირუსით ინფიცირებული რამდენიმე მეზღვაურია. გემის კაპიტანი მთავრობას მეზღვაურების იზოლაციას სთხოვს. სიტუაციის კიდევ უფრო გართულებაზე საუბრობს შეერთებული შტატების პრეზიდენტი. თეთრ სახლში ვარაუდობენ, რომ კორონავირუსს ამერიკაში შესაძლოა 100 ათასზე მეტი ადამიანი ემსხვერპლოს.

    "სულ ვეკითხები ექიმებს, რა მოხდებოდა, რომ არ დაგვეწესებინა მკაცრი წესები და იყო ჯგუფი, რომელიც ამბობდა, მოდი მივუშვათ ეს ყველაფერი თავის ნებაზე. ამ შემთხვევაში ყველაზე მცირე 1,6 მილიონი ამერიკელი დაიღუპებოდა, მაგრამ შეიძლება დაღუპულიყო 2,2 მილიონზე მეტიც კი. მომდევნო ორი კვირა ძალიან რთული და მტკივნეული იქნება. მინდა, რომ ყველა ამერიკელი მზად იყოს ამ რთული დღეებისთვის," - განაცხადა აშშ-ს პრეზიდენტმა დონალდ ტრამპმა.
    231 ნახვა
    1-04-2020, 09:23