GOGA.TV
  • ლელო ხელისუფლებას მოუწოდებს შეარბილოს მედიაზე საგადასახადო წნეხი

    ლელო ხელისუფლებას მოუწოდებს შეარბილოს მედიაზე საგადასახადო წნეხი და სულ მცირე სამი წლის განმავლობაში მედიაბიზნესი გადასახადებისგან სრულიად გაათავისუფლოს.

    პოლიტიკური მოძრაობის "ლელო საქართველოსთვის" პოლიტიკური საბჭოს წევრის საბა ბუაძის განცხადებით, ვირუსით გამოწვეული კრიზისი მედიის ფინანსურ სტაბილურობას განსაკუთრებით მძიმე მდგომარეობაში აყენებს.

    "ლელო საქართველოსთვის" ასევე მოუწოდებს ხელისუფლებას, შემოთავაზებული ინიციატივა ანტიკრიზისული ხედვის ნაწილად აქციოს.

    "მედია, როგორც ბიზნესზე და სარეკლამო შემოსავალზე პირდაპირ მიბმული ინსტიტუტი, დღეს ძალიან რთულ ვითარებაში იმყოფება. მედიის შემოსავალი იკლებს და პირდაპირ არის დამოკიდებული ბიზნესის შემოსავალზე. ზუსტად ამიტომაც მოვუწოდებთ ხელისუფლებას სულ მცირე სამი წლით, მედია, როგორც ბიზნესი გაათავისუფლოს ყველა ტიპის გადასახადისგან. ეს ინიციატივა შეეხება, როგორც ცენტრალურ მედიას, ასევე ადგილობრივ/რეგიონულ მედია საშუალებებს. ონლაინ მედიას და რადიოს," - განაცხადა საბა ბუაძემ.
    199 ნახვა
    3-05-2020, 10:16