GOGA.TV
youtube
3
ევროპარლამენტის დეპუტატი ლიეტუვადან, ანდრიუს კუბილიუსი "ქართულ ოცნებას" გიორგი რურუას გათავისუფლებისკენ მოუწოდებს
  • ევროპარლამენტის დეპუტატი ლიეტუვადან, ანდრიუს კუბილიუსი "ქართულ ოცნებას" გიორგი რურუას გათავისუფლებისკენ მოუწოდებს

    ევროპარლამენტის დეპუტატი ლიეტუვადან, ანდრიუს კუბილიუსი "ქართულ ოცნებას" გიორგი რურუას გათავისუფლებისკენ მოუწოდებს. "მთავართან" ინტერვიუში მან კიდევ ერთხელ დააზუსტა, რომ საქართველოს ხელისუფლებისთვის გაგზავნილ წერილში მან სამი გვარი დაასახელა, რომლებსაც საპატიმრო უნდა დაეტოვებინათ.

    პრეზიდენტის, პრემიერ-მინისტრისა და პარლამენტის თავმჯდომარისთვის ჩემ მიერ გაგზავნილ წერილში სამ ადამიანზე იყო საუბარი. ამ ეტაპზე მხოლოდ ორი შესრულდა. გიორგი რურუა კი ამ დრომდე პატიმრობაშია. ვიმედოვნებ, რომ საქართველოს მთავრობა ამ პრობლემის მოსაგვარებლად ყველაფერს გააკეთებს, - განაცხადა კუბილიუსმა.

    ანდრიუს კუბილიუსი კიდევ ერთხელ იხსენებს უკრაინის პრეზიდენტის, იანუკოვიჩის მაგალითს, რომელმაც ოპონენტები ციხეში გამოკეტა. გარდა პოლიტიკური პატიმრებისა, ევროპარლამენტარი ასევე, ქვეყანაში თავისუფალი საარჩევნო გარემოს საჭიროებაზე ამახვილებს ყურადღებას.

    ჩვენ ყოფილ საბჭოთა სივრცეს წარმოვადგენთ, ამიტომ კარგად ვიცით, როგორია მთავრობის მიერ ადმინისტრაციული ძალაუფლების გამოყენება. კარგად გვახსოვს უკრაინის პრეზიდენტის მაგალითი, რომელმაც ოპოზიციის ორი ლიდერი ტიმოშენკო და ლუშენკო ციხეში ჩასვა, შემდეგ კი მთელ ევროპულ სამყაროს უმტკიცებდა, რომ ორივე მათგანი კრიმინალი იყო. კარგად გვახსოვს ეს ყველაფერი როგორ დასრულდა. არჩევნებში გამარჯვების მოსაპოვებლად დემოკრატიულად უნდა ვიმოქმედოთ და არ უნდა გამოვიყენოთ სასამართლო და ადმინისტრაციული რესურსები, - განაცხადა კუბილიუსმა.

    შეგახსენებთ,რომ საქართველოს პრეზიდენტმა სალომე ზურაბიშვილმა ირაკლი ოქრუაშვილი და გიგი უგულავა გუშინ შეიწყალა.
    287 ნახვა
    16-05-2020, 09:24