X
GOGA.TV
13
  • "სითი-პარკის" მიერ დაჯარიმებულ 6 ათასამდე ადამიანს დაახლოებით მილიონ ლარამდე ჯარიმა ჩამოეწერება

    თბილისის მერმა დედაქალაქის მთავრობის სხდომაზე "სითი-პარკის" მიერ დაჯარიმებული პირებისთვის ჯარიმების ჩამოწერაზე ისაუბრა. მისი თქმით 6 ათასამდე დაჯარიმებულ ადამიანს, დაახლოებით, მილიონ ლარამდე ჯარიმა ჩამოეწერება:

    "რაც შეეხება "სითი-პარკის" მიერ დაჯარიმებულ ადამიანებს. ჩვენ ამ კომპანიასთან ხელშეკრულება შევწყვიტეთ, რისი ერთ-ერთი მთავარი მოტივიც იყო, რომ არასწორად ხდებოდა ადამიანების დაჯარიმება. დაახლოებით, 6 ათასამდე დაჯარიმებულ ადამიანს, რომელიც ჯერ აღსრულებაში არ იყო მოყვანილი, მილიონამდე ჯარიმა ჩამოეწერება. ჩვენ ამნისტიის ინიციატივა პარლამენტში გადავაგზავნეთ, რომელსაც მხარდაჭერა მოჰყვა. ვფიქრობ, ამნისტია, რომელიც განხორციელდა, მნიშვნელოვანია," -განაცხადა კალაძემ.
    98 ნახვა
    22-07-2020, 08:53