X
GOGA.TV
13
მტკვარში ნაპოვნი ახალგაზრდა გოგონას ცხედარი "ბაუჰაუს"-ის დაკარგულ თანამშრომელს ეკუთვნის
  • მტკვარში ნაპოვნი ახალგაზრდა გოგონას ცხედარი "ბაუჰაუს"-ის დაკარგულ თანამშრომელს ეკუთვნის

    შინაგან საქმეთა სამინისტრომ დაადასტურა, რომ მტკვარში ნაპოვნი ახალგაზრდა გოგონას ცხედარი "ბაუჰაუს"-ის დაკარგულ თანამშრომელს ეკუთვნის.

    უწყების ცნობით, ამ დრომდე გრძელდება საძიებო სამუშაოები “ბაუჰაუს” ბარიდან დაკარგულ ახალგაზრდა მამაკაცზე.

    ფაქტთან დაკავშირებით გამოძიება 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

    "შინაგან საქმეთა სამინისტროს საგანგებო სიტუაციების მართვის სამსახურის თანამშრომლებმა მტკვარზე ჩატარებული ინტენსიური საძიებო სამუშაოების შედეგად "ბაუჰაუს" ბარიდან დაკარგული ახალგაზრდა ქალის ცხედარი იპოვეს.

    შინაგან საქმეთა სამინისტროში თბილისში მდებარე “ბაუჰაუს” ბარიდან 2 ახალგაზრდის გაუჩინარების შესახებ შეტყობინება, 15 აგვისტოს დაახლოებით 21:00საათზე შემოვიდა. პოლიციის მხრიდან მოხდა მყისიერი რეაგირება და ახალგაზრდების ადგილსამყოფელის დადგენის მიზნით, ინტენსიურ რეჟიმში დაიწყო შესაბამისი საძიებო ღონისძიებები.

    საქმეზე უკვე ჩატარდა სხვადასხვა სახის საგამოძიებო მოქმედებები, მათ შორის გამოკითხული არიან “ბაუჰაუს” ბარის თანამშრომლები, დაკარგული ახალგაზრდების ოჯახის წევრები, მეგობრები და საქმესთან შემხებლობაში მყოფი სხვა პირები.

    ამ დრომდე გრძელდება საგამოძიებო და საძიებო სამუშაოები “ბაუჰაუს” ბარიდან დაკარგულ ახალგაზრდა მამაკაცზე.

    ფაქტთან დაკავშირებით გამოძიება 143-ე მუხლით მიმდინარეობს, რაც თავისუფლების უკანონო აღკვეთას გულისხმობს,"-ნათქვამია უწყების განცხადებაში.
    182 ნახვა
    17-08-2020, 08:48