X
GOGA.TV
13
ალექსეი ნავალნი ხელოვნური სუნთქვის აპარატიდან მოხსენს
  • ალექსეი ნავალნი ხელოვნური სუნთქვის აპარატიდან მოხსენს

    ბერლინის კლინიკის განცხადებით, რუსი ოპოზიციონერი, ალექსეი ნავალნი ხელოვნური სუნთქვის აპარატიდან და მან საწოლიდან ადგომაც შეძლო. ნავალნი ამ დრომდე მკურნალობას აგრძელებს.

    ორშაბათს გამოქვეყნებული განცხადებაში საავადმყოფო წერს, რომ "ის ამჟამად მობილიზაციას გადის, შეუძლია მოკლე დროში დატოვოს საკუთარი საწოლი".

    10 სექტემბერს ცნობილი გახდა, რომ ნავალნი გონს მოვიდა და მას საუბარი შეუძლია.

    შვედეთისა და საფრანგეთის ლაბორატორიებმა დამოუკიდებლად შეისწავლეს ალექსეი ნავალნის საკითხი და მისი ნოვიჩოკით მოწამვლა დაადასტურეს. მისი გუნდი ირწმუნება, რომ ის პრეზიდენტ ვლადიმერ პუტინის ბრძანებით მოიწამლა, კრემლი კი ბრალდებას უარყოფს და საქმეს იძიებს.

    შეგახსენებთ, რომ რუსი ოპოზიციონერი და პუტინის კრიტიკოსი ალექსეი ნავალნი საავადმყოფოში უგონო მდგომარეობაში 20 აგვისტოს მოათავსეს. ოჯახის ინფორმაციით, ის ცუდად ჩაის დალევის შემდეგ გახდა, რასაც მოწამვლას უკავშირებენ.

    ნავალნი სამკურნალოდ გერმანიაში 22 აგვისტოს გადაიყვანეს. მოგვიანებით, ბერლინის საავადმყოფომ დაადასტურა ინფორმაცია, რომ ნავალნი მოწამლულია.
    63 ნახვა
    14-09-2020, 23:55
    News-ები