GOGA.TV
ილია მეორე ამბობს, რომ წმინდა მიწაზე განვითარებული საომარი მოქმედებები უდიდესი განსაცდელია
  • ილია მეორე ამბობს, რომ წმინდა მიწაზე განვითარებული საომარი მოქმედებები უდიდესი განსაცდელია

    საქართველოს პატრიარქი ისრაელში მიმდინარე მოვლენებს ეხმაურება. ილია მეორე ამბობს, რომ წმინდა მიწაზე განვითარებული საომარი მოქმედებები უდიდესი განსაცდელია.

    ის მწუხარებას გამოთქვამს დაძაბული ვითარების გამო და მოუწოდებს მრევლს ყოველდღიურ ლოცვებთან ერთად, განსაკუთრებულად შესთხოვონ ღმერთს მშვიდობა როგორც იერუსალიმისა და წმინდა მიწისთვის, ისე საქართველოსა და მთელი მსოფლიოსათვის.

    "წმინდა მიწაზე განვითარებული საომარი მოქმედებები ადგილობრივ მცხოვრებთა და მთელი რეგიონის უდიდესი განსაცდელია, მაგრამ იგი, ამავე დროს, მილიონობით სხვა ადამიანის გულისტკივილია, მათ შორის, რა თქმა უნდა, საქართველოშიც, რადგან ჩვენი სულიერი ცხოვრება დიდად იყო და არის დაკავშირებული იერუსალიმთან და წმინდა მიწასთან.

    ამიტომაც, ბუნებრივია, ფრიად ვწუხვართ შექმნილი დაძაბული ვითარების გამო და მოვუწოდებთ ჩვენს მოსახლეობას, ყოველდღიურ ლოცვებთან ერთად, განსაკუთრებულად შესთხოვონ ღმერთს მშვიდობა როგორც იერუსალიმისა და წმინდა მიწისთვის, ისე საქართველოსა და მთელი მსოფლიოსათვის.

    "ღმერთი მშვიდობისაჲ იყავნ ყოველთა თანა, ამინ!"- აღნიშნა პატრიარქმა.
    138 ნახვა
    14-05-2021, 02:02