7
ვიყიდე ბინა ერთი, ბინა ორი, მესამეს მივუკაკუნე, მანქანა, ა.შ. მაგრამ მერე? -
  • ვიყიდე ბინა ერთი, ბინა ორი, მესამეს მივუკაკუნე, მანქანა, ა.შ. მაგრამ მერე? -

    ორიოდე წლის წინ, როცა 30-ს ძაან ბევრიც არ მაშორებდა, ჩემს ბედკრულ, ვიღაცების თვალში კიდევ "ჯაან წარმატებულ" ცხოვრებაზე დავფიქრდი...
    გრაფიკებსაც გადავხედე: დილის 8-ზე ვდგებოდი, სამსახური 1, სამსახური 2, მერე ლექციები, მერე ბიზნესი და ბლოგი, მერე ჯანდაბა და ასე უსასრულოდ...

    ნუ, პარალელურად 24 სამუშაო დღეს 5 კვირად ვყოფდი დასვენებიან-ვიქენდიანად და ხუთჯერ გავდიოდი სადმე კაი ხარისხიანი დასვენებისთვის ქვეყნიდან, მაგრამ მაინც...

    ვიყიდე ბინა ერთი, ბინა ორი, მესამეს მივუკაკუნე, მანქანა, ა.შ. მაგრამ მერე? გავხდებოდი 70-ის, მექნებოდა ათი ბინა, შთამომავლობაც მადლობას მეტყოდა... როცა წვალებით და ოფლით მონაპოვარის ხარჯვის დრო გამომიჩმდებოდა, ვერაფერს შევირგებდი, რაკი საუკეთესო წლების 90% ოთხ კედელში მექნებოდა გატარებული! შევძრწუნდი და სასწრაფოდ დავიწყე ფიქრი, რა უნდა შემეცვალა!!! სივიც კაია, კარიერაც, ფულიც, მაგრამ რათ მინდოდა ფული, თუ ვერ დავხარჯავდი?

    ჰო, აი ეს არის პასუხი კითხვაზე: ამდენი თავისუფალი დრო როგორ გაქვს? ამდენს როგორ დაეხეტები?

    დიახ! კალენდარზე ერთი წელი გადის მხოლოდ, მაგრამ მე ვცდილობ ამ ერთ წელში ხუთი წლის სამყოფი ვიცხოვრო და როცა თავგადასავლებით გამოძეძგილ განვლილ თითქმის მესამედ ცხოვრებას გადავავლებ თვალს - ვხვდები, რომ დროს ძაან ნაყოფიერად ვიყენებ და პრაქტიკულად უკვე სამოც წელზე მეტის ვარ, არა და ეს წიწკვი ბიჭი, აი ახლა ვიწყებ ცხოვრებას, გაფურჩქვნასაც და ყველაზე საინტერესო ამბები სწორედ ახლა იწყება!!! მე ეს უკვე გავაკეთე ახლა შენი დროა, ბედნიერების გარდა არაფერი შეგვრჩება, უძრავ ქონებას და დანაზოგებს "იქ" ვერ წავათრევთ! )))
    384 ნახვა