7
ნიკა გვარამიას ოფიციალური მიმართვა საზოგადოებას...
ნიკა გვარამიას ოფიციალური მიმართვა საზოგადოებას...
სინოპტიკოსები საქართველოს უმეტეს რაიონში, კვლავ ნალექს პროგნოზირებენ
სინოპტიკოსები საქართველოს უმეტეს რაიონში, კვლავ ნალექს პროგნოზირებენ
უამინდობა გრძელდება - სინოპტიკოსები საქართველოს უმეტეს რაიონში, უფრო მეტად კი აღმოსავლეთ საქართველოში, კვლავ ნალექს პროგნოზირებენ. მოსალოდნელია წვიმა ელჭექით, ზოგან ძლიერი, შესაძლებელია სეტყვა და ქარის გაძლიერება.

სპეციალისტები არ გამორიცხავენ, რომ მოსალოდნელმა ძლიერმა ნალექმა მდინარეებზე წყლის დონის მნიშვნელოვანი მატება გამოიწვიოს. არის წყალმოვარდნებისა და მეწყრულ-ღვარცოფული პროცესების გააქტიურების საშიშროება.

საქართველოს მასშტაბით დროებით ხვალიდან გამოიდარებს.

„საქართველოს ზოგიერთ რაიონში მოსალოდნელია ხანმოკლე წვიმა ელჭექით. დასავლეთ საქართველოში ზოგიერთ რაიონში მოსალოდნელია სეტყვა. დასავლეთ საქართველოზე შედარებით გრილი ჰაერის მასები მოქმედებენ, აქ ჰაერის მაქსიმალური ტემპერატურა ვერ მოიმატებს და კვლავ შენარჩუნდება 18-დან 23 გრადუსამდე სითბო. 14 მაისს, მთლიანად საქართველოში გამოიდარებს. ჰაერის ტემპერატურა მოიმატებს და შედარებით უნალექო ამინდი მოსალოდნელია 18 მაისის ჩათვლით,“-განაცხადა გარემოს ეროვნული სააგენტოს ამინდის მოკლევადიანი პროგნოზების სამმართველოს უფროსმა დოდო გვაზავამ.
შეუდარებელი “რიგოლეტო” - გიორგი გაგნიძე
შეუდარებელი “რიგოლეტო” - გიორგი გაგნიძე
ყველა გზა ოპერისკენ მიდის, მაშინ როცა იცი, მსოფლიოს დიდ სცენაზე ქართველი ბარიტონი - გიორგი გაგნიძე, George Gagnidze მღერის. რიგოლეტოში თავად რიგოლეტოს როლს ასრულებს და ყველასგან განსხვავდება თავისი ხმით. არ არსებობს რომ არ აღფრთოვანდე მისით და შენს გვერდით მყოფ საზოგადოებას არ გადასცე შენი დადებითი ემოციები.
“იცით, ბატონი ჯორჯი, ქართველია, პატარა ქვეყნიდან, საქართველოდან. მე მას პირადად ვიცნობ, ვამაყობ მისით. მეც საქართველოდან ვარ.” ვეუბნები ყველას და ჩვენს ერთად გადაღებულ ფოტოებს ვაჩვენებ. შესვენებაზეც ენა არ გამიჩერებია და ყველასთან მასზე ვისაუბრე, თან ერთმა ჭიქა “პროსეკომაც” თავისი იმოქმედა და გამლექსა.
ღმერთო ჩემო, დიდებული სანახავია ამხელა ბუმბერაზი ქართველი მსოფლიოს წინაშე.
აი, ასეთი ქართველებით უნდა ვიმაყოთ ყველამ და ჟურნალისტებმა მათზე ვწეროთ. სად არის ამერიკის ხმა? წესით ძალიან ლამაზ სიუჟეტს უნდა იღებდნენ ბატონ გიორგიზე.
მე #GogaTV-ის ფორმატი რის საშუალებასაც მაძლევს კი ვაკეთებ და ჩემი სოციალური ქსელების მეშვეობითაც მსოფლიოს გავაგებინებ.
I’m proud to be a Georgian and George Gagnidze, #Grande #Maestro #Rigoletto is a Georgian too, from country of #Georgia.

შეუდარებელი “რიგოლეტო” - გიორგი გაგნიძე







ცისნამი საყვარლიშვილი
პრინც ჰარისა და მეგან მარკლს პირველი შვილი შეეძინათ
პრინც ჰარისა და მეგან მარკლს პირველი შვილი შეეძინათ
პრინც ჰარისა და მეგან მარკლს პირველი შვილი შეეძინათ. სამეფო ოჯახის ახალი წევრი ბიჭია. სასექსის ჰერცოგის განცხადებით, მეგანიც და ბავშვიც თავს კარგად გრძნობენ.

სამეფო ოჯახის ახალი წევრი ტახტის რიგით მეშვიდე მემკვიდრე და დედოფალ ელისაბედისთვის მერვე შვილთაშვილია.

ბავშვის სქესი თავად წყვილისთვისაც უცნობი იყო, რადგან სქესის წინასწარ დადგენა არ მოისურვეს. პრინცმა ჰარიმ და ამერიკელმა მსახიობმა მეგან მარკლმა შარშან 19 მაისს იქორწინეს.
მოსკოვში, ავიაკატასტროფის შედეგად 41 მგზავრი დაიღუპა
მოსკოვში, ავიაკატასტროფის შედეგად 41 მგზავრი დაიღუპა
41 დაღუპული და 6 დაშავებული - ასეთია მოსკოვში, შერემეტიევოს აეროპორტში მომხდარი ავიაკატასტროფის შედეგი. დაღუპულთა შორის 2 მცირეწლოვანი ბავშვია.

წინასწარი ინფორმაციით, რეისს, რომელიც მურმანსკში მიფრინავდა პრობლემები აფრენიდან მალევე შეექმნა. პილოტმა დისპეტჩერს ტექნიკური გაუმართავობის შესახებ შეატყობინა, რის შემდეგაც ბორტთან კავშირი დაიკარგა.

თვითმფრინავი აეროპორტში ავარიულად დაეშვა, რის შემდეგაც ბორტზე ხანძარი გაჩნდა. მგზავრების ევაკუაცია ალმოდებული თვითმფრინავიდან განხორციელდა.

ავიაკომპანია აეროფლოტის კუთვნილ "სუპერჯეტ -100"-ის ბორტზე 73 მგზავრი და ეკიპაჟის 5 წევრი იმყოფებოდა. მურმანსკში სამდღიანი გლოვაა გამოცხადებული.
„რუსეთი ოკუპანტიამ“ ზურაბიშვილის იმპიჩმენტის მოთხოვნით აქცია გამართა
„რუსეთი ოკუპანტიამ“ ზურაბიშვილის იმპიჩმენტის მოთხოვნით აქცია გამართა

„წითელი ბარათი პრეზიდენტს!" - „რუსეთი ოკუპანტიამ“ ზურაბიშვილის იმპიჩმენტის მოთხოვნით აქცია გამართა
დღეს, 16:34
402

„წითელი ბარათი პრეზიდენტს!" - ამ სახელწოდებით აქცია სამოქალაქო მოძრაობამ რუსეთი ოკუპანტია პრეზიდენტის ათონელის სასახლესთან გამართა.

მოძრაობის წევრები პრეზიდენტის იმპიჩმენტის მოთხოვნით ათონელის სასახლესთან იმყოფებოდნენ.

აქციის მონაწილეების თქმით, იმპიჩმენტის მოთხოვნა სალომე ზურაბიშვილის მიერ ბოლო დროს გაკეთებულმა ანტისახელმწიფოებრივმა განცხადებებმა განაპირობა.
თელავში მეხუთე კლასის მოსწავლეს საკუთარი ბებია ფიზიკურად გაუსწორდა
თელავში მეხუთე კლასის მოსწავლეს საკუთარი ბებია ფიზიკურად გაუსწორდა
თელავის მუნიციპალიტეტში მეხუთე კლასის მოსწავლეს საკუთარი ბებია ფიზიკურად გაუსწორდა. ბიჭი დაზიანებებით თელავის რეფერალურ სავადმყოფოში სასწრაფოს ბრიგადამ გადაიყვანა, სადაც მკურნალობის კურსი ჩაუტარდა.

სკოლის დირექტორის თქმით, დაშავებულს სახის არეში სხვადასსხვა დაზიანებები და სილურჯე აღენიშნებოდა.

ცემის ერთ-ერთ მიზეზად კი მოზარდის კომპიუტერთან ჯდომა დასახელდა.

საქმეში კახეთის სოციალური სამსახურია ჩართული და ბავშვი ამ დროისთვის
მამიდასთან არის გადაყვანილი.

არასრულწლოვანის მშობლები საქართველოში არ იმყოფებიან და 10 წლის ბიჭი ბებიასთან ამ მიზეზით ცხოვრობდა.

შსს-ს ინფორმაციით. საქმეზე გამოძიება ცემის მუხლით მიმდინარეობს.
საქართველოს დამოუკიდებლობის დღისადმი აღსანიშნავი  წვეულება ნიუ-იორკში
საქართველოს დამოუკიდებლობის დღისადმი აღსანიშნავი წვეულება ნიუ-იორკში
2019 წლის 2 მარტს, საქართველოს გენერალურმა საკონსულომ და ქალბატონმა კონსულმა - დიანა ჟღენტმა, ნიუ-იორკში, “ბოჰემიან ნაციონალურ ჰოლში” საქართველოს დამოუკიდებლობის დღისადმი აღსანიშნავი წვეულება გამართა.
საღამოზე მიწვეული იყვნენ ამერიკაში მოღვაწე ქართველი ემიგრანტები და ამერიკელი სტუმრები. წვეულება ქალბატონმა დიანამ გახსნა საზეიმო სიტყვით და დამსწრე საზოგადოებას საქართველოს დამოუკიდებლობის დღე მიულოცა, რომელიც 26 მაისაა. სკაიპის მეშვეობით საქართველოს საგარეო მინისტრმა, ბატონმა - დავით ზალკალიანმა დამსწრე საზოგადოებას მიმართა.
წვეულებაზე მყოფი სტუმრები ჩრდილოეთ ამერიკის ეპარქიის ეპისკოპოსმა - საბა ინწკირველმა დალოცა.
საქართველოს და ამერიკის ნაციონალური ჰიმნები, ყველასათვის საყვარელმა მომღერალმა - ნინი წიკლაურმა შეასრულა, რომელსაც აკომპანიმენტი ირაკლი შარაძემ გაუწია.

სტუმრებს საშუალება მიეცათ ქართული გემრიელი სამზარეულო დაეგემოვნებინათ.
ყველაფერმა არაჩვეულებრივად ჩაიარა.
სტუმრები ნასიამოვნები წავიდნენ.
“GogaTV” უღრმეს მადლობას უხდის ქალბატონ - დიანა ჟღენტს მიწვევისთვის.
ყველას გილოცავთ საქართველოს დამოუკიდებლობის დღეს.

საქართველოს დამოუკიდებლობის დღისადმი აღსანიშნავი  წვეულება ნიუ-იორკში







ავტორი: ცისნამი საყვარლიშვილი
გიორგი წერეთელის და ნინი შერმადინის კონცერტი ნიუ-იორკში
გიორგი წერეთელის და ნინი შერმადინის კონცერტი ნიუ-იორკში
2019 წლის 28 აპრილს, აღდგომის ბრწყინვალე დღესასწაულს, ბრუკლინში გრანდიოზულ რესტორან რომანოვში ქართველი მომღერლების: გიორგი წერეთლის და ნინი შერმადინის კონცერტი გაიმართა. გიორგი სპეციალურად ამ დღისთვის საქართველოდან ჩამოვიდა.
შესრულებული იქნა ყველასთვის საყვარელი ქართული სიმღერები.
საღამოს უძღვებოდნენ ძმები: სოსო და კოტიკო თოლორაიები.
კონცერტის ორგანიზატორი, ქალბატონი - მაია გარსევანიშვილი.
ქართველმა ემიგრანტებმა ერთად აღნიშნეს აღდგომა.
ქრისტე აღსდგა, ჭეშმარიტად აღსდგა ქრისტე.

გიორგი წერეთელის და ნინი შერმადინის კონცერტი ნიუ-იორკში

ავტორი: ცისნამი საყვარლიშვილი
ტრეფიკინგის ბრალდებით დაკავებულ უკრაინის მოქალაქეს პატიმრობა შეეფარდა
ტრეფიკინგის ბრალდებით დაკავებულ უკრაინის მოქალაქეს პატიმრობა შეეფარდა
ტრეფიკინგის ბრალდებით დაკავებულ უკრაინის მოქალაქეს ღკვეთის ღონისძიების სახით პატიმრობა შეეფარდა. მოსამართლემ არ დააკმაყოფილა დაცვის მხარის შუამდგომლობა, იულია სუსლიაკისთვის აღკვეთის ღონისძიების გარეშე დატოვების შესახებ.

არასრულწლოვნებით ვაჭრობაში ბრალდებული უკრაინის მოქალაქის სასამართლო სხდომა დახურული იყო. შუამდგომლობა ბრალდების მხარემ დააყენა, რის საფუძვლადაც არასრულწლოვნების პერსონალური მონაცემების გაჟღერება დაასახელა. შუამდგომლობას დაცვის მხარე და თავად ბრალდებულიც დაეთანხმა.

შინაგან საქმეთა სამინისტროს ინფორმაციით, იულია სუსლიაკი საქართველოში 10 მცირეწლოვან ბავშვთან ერთად რუსეთიდან 2019 წლის 8 აპრილს ჩამოვიდა და აფხაზეთის ოკუპირებულ ტერიტორიაზე გადასვლას აპირებდა.

ცნობილია, რომ იულია სუსლიაკი ბრალს არ აღიარებს და ამბობს, რომ ათივე ბავშვი მისი შვილია. ბრალის დამტკიცების შემთხვევაში მას 17 წლამდე პატიმრობა ემუქრება.
ქობულეთის საავადმყოფოში საკანალიზაციო მილში გაჭედილი ემბრიონი იპოვეს
ქობულეთის საავადმყოფოში საკანალიზაციო მილში გაჭედილი ემბრიონი იპოვეს
ქობულეთის საავადმყოფოში საკანალიზაციო მილში გაჭედილი ემბრიონი იპოვეს.

ამის შესახებ მას შემდეგ გახდა ცნობილი, რაც კლინიკაში მილი გაიჭედა და ადგილზე შესაბამისი სამსახური გამოიძახეს.

მომხდარის შესახებ საავადმყოფოს ადმინისტრაციამ შინაგან საქმეთა სამინისტროს აცნობა.

დამატებით დეტალებზე საავადმყოფოში მედიასთან არ საუბრობენ.

შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.
პანკისში დაპირისპირების შედეგად ჯამში, 27 ადამიანი დაშავდა
პანკისში დაპირისპირების შედეგად ჯამში, 27 ადამიანი დაშავდა
პანკისში დაპირისპირების შედეგად ჯამში, 27 ადამიანი დაშავდა, საიდანაც 12 ადგილობრივი, 15 კი სპეცდანიშნულების რაზმის წარმომადგენელია. ამის შესახებ ინფორმაციას შსს ავრცელებს. უწყებაში ცოტა ხნის წინ სპეციალური ბრიფინგი ჩატარდა. შსს-ს ცენტრალური კრიმინალური პოლიციის დეპარტამენტის დირექტორის მოადგილის განცხადებით, უწყება საგანგებო მუშაობის რეჟიმზეა გადასული.

"როგორც მოგეხსენებათ პანკისის ხეობაში დღეს განახლდა 5 მეგავატიანი მცირე ჰესის მშენებლობა. უსაფრთხოების და მართლწესრიგის დასაცავად ადგილზე ეკონომიკის სამინისტროს მომართვის საფუძველზე დილიდან მობილიზებულია პოლიციის შესაბამისი ძალები.

"ადგილობრივი მოსახლეობის გარკვეულმა ჯგუფმა პოლიციას გაუწია წინააღმდეგობა, კერძოდ, დაუშინეს ჯოხები და ქვები. დაზიანებულია პოლიციის ტექნიკა, ჯანმრთელობის დაზიანება მიიღეს პოლიციის თანამშრომელმა და პროტესტის მონაწილეებმა.

"მოლაპარაკებების პარალელურად, პოლიციის ძალების გადაადგილებისას, ხელკეტებით და ქვებით შეიარაღებულმა პირებმა პოლიციას კვლავ გაუწიეს წინააღმდეგობა. პოლიცია იძულებული გახდა სიტუაციის გამწვავების თავიდან აცილების მიზნით, გამოეყენებინა კანონით დაშვებული სპეციალური საშუალებები.

"შინაგან საქმეთა სამინისტრო მოუწოდებს ყველას, დაემორჩილონ პოლიციის მოთხოვნებს, რომელიც კანონის ფარგლებში მოქმედებს. წინააღმდეგ შემთხვევაში, პოლიცია იმოქმედებს სრული სიმკაცრით. საჭიროების შემთხვევაში, გამოყენებული იქნება სპეციალური საშუალებებიც.

"ამ დროისთვის, ჩვენი ინფორმაციით სასწრაფო სამედიცინო დახმარება აღმოუჩინეს 27 ადამიანს, მათ შორის 12 ადგილობრივს და 15 სპეცდანიშნულების თანამშრომელს. დაშავებული შინაგან საქმეთა სამინისტროს 8 თანამშრომელი გადაყვანილია კლინიკაში.

"შინაგან საქმეთა სამინისტრო მუშაობის აქტიურ რეჟიმზეა გადასული და საზოგადოებას პერიოდულად მიეწოდება ინფორმაცია,"-განაცხადა მამუკა ჭელიძემ.
ქუთაისში მერვე სართულიდან ქალი გადმოვარდა
ქუთაისში მერვე სართულიდან ქალი გადმოვარდა
უბედური შემთხვევა ქუთაისში - ზურაბ ჭავჭავაძის ქუჩაზე, საცხოვრებელი კორპუსის მერვე სართულიდან ქალი გადმოვარდა. ის ადგილზე გარდაიცვალა.

შემთხვევის ადგილზე იმყოფებოდნენ საპატრულო და სასწრაფო დახმარების ეკიპაჟები.

თვითმხილველების თქმით, 82 წლის ქალი შვილთან სტუმრად იმყოფებოდა და მას ჯანმრთელობის პრობლემები ჰქონდა. გამოძიება სისხლის სამართლის კოდექსის 115-ე მუხლით მიმდინარეობს.
თეონა იამანიძის ნაშრომების გამოფენა საქართველოს საკონსულოში, ნიუ-იორკში
თეონა იამანიძის ნაშრომების გამოფენა საქართველოს საკონსულოში, ნიუ-იორკში
2019 წლის 18 აპრილს საქართველოს საკონსულოში, ქალაქ ნიუ-იორკში, ახალგაზრდა ქართველი მხატვრის თეონა იამანიძის ნამუშევრების გამოფენა გაიმართა.
მხატვარი დაიბადა და გაიზარდა მოსკოვში ქართულ ოჯახში. 2009 წელს დაამთავრა თბილისის სამხატვრო აკადემია ფერწერის განხრით. მან სწავლა განაგრძო საზღვარგარეთ და სწავლის პროცესში მიენიჭა მრავალი პრესტიჟული სტიპენდიები, მათ შორის ფულბრაიტის და მასკის პროგრამების გრანტები. 2018 წელს თ. იამანიძემ დაამთავრა სირაკუსის უნივერსიტეტის ფერწერის მაგისტრატურის პროგრამა. მხატვარს ბევრ საერთაშორისო გამოფენაში აქვს მონაწილეობა მიღებული და მისი ნამუშევრები განთავსებულია საჯარო და კერძო კელექციებში. ამჟამად, ის ცხოვრობს ნიუ-იორკში და მხატვრობის გარდა კურატორულ საქმიანობასაც ეწევა.

ექპოზიციაზე, სახელწოდებით “ყოფნა” წარმოდგენილი იქნა მხატვრის მიერ ამერიკაში მოღვაწეობის პერიოდში შექმნილი ნამუშევრები. თეონა იამანიძის შემოქმედებისთვის დამახასიათებელია დიდი ფორმატის ფერწერული ტილოები, რომლებიც ფსიქოლოგიური სიღრმით გამოირჩევიან. ხელოვანი იკვლევს ისეთ თემებს როგორიცაა იდენტურობა, კოლექტიური მეხსიერება, დევნილობა და გაუცხოება. მის ნამუშევრები ხშირად გამოსახულია ქალები, რომლებიც დაზარალდნენ კონფლიქტის გამო ან ტრავმატული შემთხვევების გადატანის შედეგად.

გამოფენის კურატორია მარიამ ოთხმეზური ჩარლტონი.

საღამოს ორგანიზატორი საქართველოს საკონსულო ნიუ-იორკში და ჩვენი კონსული, ქალბატონი - დიანა ჟღენტი.

თეონა იამანიძის ნაშრომების გამოფენა საქართველოს საკონსულოში, ნიუ-იორკში





ავტორი: ცისნამი საყვარლიშვილი
ლაშა ტალახაძემ ახალი მსოფლიო რეკორდი დაამყარა
ლაშა ტალახაძემ ახალი მსოფლიო რეკორდი დაამყარა
ლაშა ტალახაძემ ახალი მსოფლიო რეკორდი დაამყარა. ბათუმში მიმდინარე ევროპის ჩემპიონატზე ქართველმა ძალოსნებმა დღეს უკვე ერთ ოქრო და ერთ ბრინჯაოს მედალი აიღეს.

ატაცის კატეგორიაში ლაშა ტალახაძემ ოქროს მედალი მოიპოვა, ხოლო ირაკლი თურმანიძემ – ვერცხლი. თურმანიძემ მესამე ცდაზე 206 კგ აიტაცა.

რაც შეეხება ლაშა ტალახაძეს, მან პირველ ცდაზე 208 კგ აიტაცა, ხოლო მეორეზე - 218, სწორედ ამის გამო მან ახალი მსოფლიო რეკორდი დაამყარა.

ბათუმში იმყოფება საქართველოს პრემიერ მინისტრიც.
გურამიშვილზე მანქანა გატეხეს
გურამიშვილზე მანქანა გატეხეს
ქურდობის მორიგი შემთხვევა - თბილისში, გურამიშვილის გამზირზე, ავტომობილი გატეხეს.

როგორც დაზარალებულმა რუსთავი2-ს განუცხადა, მანქანიდან წაღებულია ქურთუკი და ავტომობილის სარემონტო ხელსაწყოების ნაკრები.

ადგილზე სამართალდამცველები იყვნენ მობილიზებულები.

შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 177-ე მუხლის პირველი ნაწილით დაიწყო, რაც ქურდობას გულისხმობს.

დაზარალებულის თქმით, გურამიშვილის გამზირზე ბოლო დღეებში ქურდობის რამდენიმე ფაქტი დაფიქსირდა.
რუსთავში, სავარაუდოდ, ბუნებრივი აირით, 5 ადამიანი მოიწამლა
რუსთავში, სავარაუდოდ, ბუნებრივი აირით, 5 ადამიანი მოიწამლა
რუსთავში, სავარაუდოდ, ბუნებრივი აირით, 5 ადამიანი მოიწამლა, მათგან ორი - 5 თვის და 3 წლამდე ასაკის ბავშვია.

სასწრაფო სამედიცინო დახმარების ბრიგადამ ბავშვები ქალაქის ბავშვთა საავადმყოფოში გადაიყვანა, უფროსები კი ცენტრალურ საავადმყოფოში.

ექიმების ინფორმაციით, მათი ჯანმრთელობის მდგომარეობა ამ დროისთვის სტაბილურია და მათ სიცოცხლეს საფრთხე აღარ ემუქრება.
თელავის მერის მოადგილემ თანამდებობა დატოვა
თელავის მერის მოადგილემ თანამდებობა დატოვა
თელავის მერის მოადგილემ თანამდებობა დატოვა. ალექსანდრე საჩიშვილი სამსახურიდან წასვლის მიზეზად ჯანმრთელობის პრობლემებს ასახელებს.

ამ დროისთვის უცნობია, ვინ დაიკავებს ალექსანდრე საჩიშვილის ადგილს. როგორც თელავის მერი აცხადებს, ჯერჯერობით კონსულტაცია არავისთან არ მიმდინარეობს.
პანკისის ხეობის სოფელ წინუბანში 10 წლის გოგონა ჩამომხრჩვალი ნახეს
პანკისის ხეობის სოფელ წინუბანში 10 წლის გოგონა ჩამომხრჩვალი ნახეს
პანკისის ხეობის სოფელ წინუბანში 10 წლის გოგონა ჩამომხრჩვალი ნახეს. მოზარდი, სახლის სახურავზე ასვლას და იქედან პატარა დის სათამაშოს ჩამოღებას შეეცადა, როდესაც სახურავის რკინაზე ჰიჯაბით ჩამოეკიდა და გაიგუდა. შემთხვევის დროს ოჯახის 5 მცირეწლოვანი ბავშვი სახლში მარტო იყო. მშობლებს შვილი უკვე გარდაცვლილი დახვდათ. ტრაგედიის მიზეზების დასადგენად ადგილზე მუშაობდნენ სამართალდამცველები. თავდაპირველად განიხილებოდა თვითმკვლელობის ვერსია, რასაც ოჯახის წევრები კატეგორიულად გამორიცხავენ. მომხდარზე დაწყებულია გამოძიება.

"სასწრაფო დახმარებას რომ დავურეკეთ ცოტა დაიგვიანა და ჩვენთვითონ მოვნახეთ მანქანა და გავუგზავნეთ, მაგრამ დაგვიანებული იყო, ვერ მიაღწიეს საავადმყოფომდე,"-აცხადებს ადგილობრივი მცხოვრები, ნეტსან ფარეულიძე.
თელავის მუნიციპალიტეტის სოფელ ბუშეტის საბავშვო ბაგა-ბაღის 30-მდე აღსაზრდელი მოიწამლა
თელავის მუნიციპალიტეტის სოფელ ბუშეტის საბავშვო ბაგა-ბაღის 30-მდე აღსაზრდელი მოიწამლა
თელავის მუნიციპალიტეტის სოფელ ბუშეტის საბავშვო ბაგა-ბაღის 30-მდე აღსაზრდელი მოიწამლა. ისინი თელავის ორ საავადმყოფოში სასწრაფო დახმარების ბრიგადებმა გადაიყვანეს.

კონკრეტულად რა გახდა ბავშვების ინტოქსიკაციის მიზეზი, ჯერ უცნობია, თუმცა, არ გამორიცხავენ, რომ ამის მიზეზი სასმელი წყალი, ან საკვები ყოფილიყო. თუმცა, კვებით ინტოქსიკაციას გამორიცხავს ბაგა-ბაღების გაერთიანების ხელმძღვანელი, თინიკო ხანჯალიაშვილი და აცხადებს, რომ ყველა პროდუქტი ბაღში ვარგისია.

ბავშვების მოწამვლის გამო, სოფელ ბუშეტის საბავშვო ბაღი ინტოქსიკაციის მიზეზის დადგენამდე დროებით დაიხურა.

ადგილზე სურსათის ეროვნული სააგენტოს თანამშრომლები იმყოფებიან, რომლებიც პროდუქტიდან და სასმელი წყლიდან სინჯებს გამოსაკვლევად წაიღებენ.
შხარასთან ზვავის ჩამოწოლის შედეგად პოლონეთის მოქალაქე დაიღუპა
შხარასთან ზვავის ჩამოწოლის შედეგად პოლონეთის მოქალაქე დაიღუპა
შხარასთან ზვავის ჩამოწოლის შედეგად პოლონეთის მოქალაქე დაიღუპა. საგანგებო სიტუაციების მართვის სამსახურის ინფორმაციით, გარდაცვლილი 45 წლის მამაკაცია. სამძებრო-სამაშველო სამუშაოებში განსაკუთრებულ სიტუაციებზე რეაგირების სამმართველოს თანამშრომლები მონაწილეობდნენ. ცხედარი მაშველებმა ვერტმფრენით გადმოასვენეს.
ნიკოლოზ რაჭველი ფილარმონიასთან დაკავშირებულ დავაზე საუბრობს
ნიკოლოზ რაჭველი ფილარმონიასთან დაკავშირებულ დავაზე საუბრობს
ფილარმონიასთან დაკავშირებით არსებული დაპირისპირების შემდეგ თბილისის დიდ საკონცერტო დარბაზში პირველად გამოჩნდა ნიკოლოზ რაჭველი. ევგენი მიქელაძის სახელობის ეროვნულმა სიმფონიურმა ორკესტრმა ექიმის საერთაშორისო დღესთან დაკავშირებით გია ყანჩელის მუსიკა წარმოადგინა. ნაწარმოებები ორკესტრის თანხლებით ცნობილმა ქართველმა მომღერლებმა შეასრულეს.

ნიკოლოზ რაჭველი იმედოვნებს, რომ დავა დიდ საკონცერტო დარბაზთან დაკავშირებით, საბოლოოდ, მათ სასარგებლოდ დასრულდება.

"ჩვენ ჯერჯერობით ველოდებით სახელმწიფო გადაწყვეტილებას, ვიცით რომ განხილვის საგანია მთავრობაში ეს საკითხი და შესაძლებელია დღეს, ხვალ ზეგ რაღაცა სიახლე გვქონდეს და მე დარწმუნებული ვარ რომ ეს სიახლე იქნება დადებითი,"-აცხქადებს ნიკოლოზ რაჭველი.
მანქანის მართვა ნარკოტიკული ნივთიერების ზემოქმედების ქვეშ დღეიდან სისხლის სამართლის წესით დასჯადია
მანქანის მართვა ნარკოტიკული ნივთიერების ზემოქმედების ქვეშ დღეიდან სისხლის სამართლის წესით დასჯადია
მანქანის მართვა ნარკოტიკული, ფსიქოტროპული და ახალი ფსიქოაქტიური ნივთიერების ზემოქმედების ქვეშ დღეიდან სისხლის სამართლის წესით დასჯადია. სიახლე ეხება მარიხუანის მოხმარებასაც. კანონდამრღვევებს 3 წლით მართვის უფლების ჩამორთმევასთან ერთად ჯარიმის გადახდა, ან ერთ წლამდე პატიმრობა ემუქრებათ. პატრული ეჭვის შემთხვევაში მძღოლს ნარკოტიკულ სიმთვრალეზე ადგილზე შეამოწმებს, დადებითი პასუხის შემთხვევაში მოხდება მისი გადამოწმება შესაბამის საექსპერტო დაწესებულებაში. დღეიდან ძალაში შესულ კანონს "თეთრი ხმაური" აპროტესტებს.
იტალიაში ქართველი ახალგაზრდა გოგონა დაიღუპა
იტალიაში ქართველი ახალგაზრდა გოგონა დაიღუპა
იტალიაში ქართველი ახალგაზრდა გოგონა დაიღუპა. 27 წლის ქართველი სტუდენტი მილანში გარდაცვლილი ნახეს. რა გახდა იზა ქავთარაძის დაღუპვის ზუსტი მიზეზი ჯერჯერობით უცნობია. ცხედარი ექსპერტიზაზეა გადაყვანილი. ოჯახის წევრები მისი გარდაცვალების ფაქტს ადასტურებენ, თუმცა ექსპერტიზის დასრულებამდე განმარტებებს არ აკეთებენ. მომხდარის შესახებ ინფორმირებულია საკონსულოც. იზა ქავთარაძის გადმოსვენების პროცედურა ექსპერტიზის დასრულების შემდეგ დაიწყება.
ჭავჭავაძეზე ჩამოშლილი მიწის ქვეშ მოყოლილი 24 წლის მამაკაცი გარდაცვლილი იპოვეს
ჭავჭავაძეზე ჩამოშლილი მიწის ქვეშ მოყოლილი 24 წლის მამაკაცი გარდაცვლილი იპოვეს
ჭავჭავაძის გამზირზე ჩამოშლილი მიწის ქვეშ მოყოლილი 24 წლის მამაკაცი გარდაცვლილი იპოვეს. მეხანძრე-მაშველებმა მისი ცხედარი რამდენიმე წუთის წინ აღმოაჩინეს.

ამ წუთებში მეხანძრე-მაშველები ნანგრევებში მოყოლილ კიდევ ერთ მოქალაქეს ეძებენ.

საგანგებო სიტუაციების მართვის სამსახურის ინფორმაციით, ადგილზე 30 მეხანძრე-მაშველი მუშაობს.

მომხდართან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
თბილისში, ჭავჭავაძეზე დიდი რაოდენობით მიწა ჩამოიშალა, მოყოლილია ორი ადამიანი
თბილისში, ჭავჭავაძეზე დიდი რაოდენობით მიწა ჩამოიშალა, მოყოლილია ორი ადამიანი
თბილისში, ჭავჭავაძეზე დიდი რაოდენობით მიწა ჩამოიშალა. არსებული ინფორმაციით, მიწის მასაში მოყოლილია ორი ადამიანი.

როგორც საგანგებო სიტუაციების მართვის სამსახურში "რუსთავი 2-ს" განუცხადეს, ადგილზე მაშველები იმყოფებიან. ისინი ჩამოშლილი მიწის მასაში მოყოლილი ორი ადამიანის სამძებრო-სამაშველო სამუშაოებს ასრულებენ.

შემთხვევის ადგილზე სასწრაფო დახმარების ჯგუფიც იმყოფება.

როგორც ცნობილი ხდება, მიწის მასაში მოყოლილი ერთი მუშა 24 წლისა, მეორე კი - 40 წლის.

ადგილზე სამუშაოებს კომპანია "ტრანსმშენი" აწარმოებს.
ივანიშვილი ქვეყნის პირველი პრეზიდენტის 80 წლისთავს განცხადებით ეხმაურება
ივანიშვილი ქვეყნის პირველი პრეზიდენტის 80 წლისთავს განცხადებით ეხმაურება
„ის, რომ საქართველოს პირველი პრეზიდენტის დაღუპვის გარემოებები დღემდე გამოუძიებელია, არის ჩვენი ქვეყნის დიდი სირცხვილი,“ - ამ განცხადებას, პარტია "ქართული ოცნების" თავმჯდომარე ბიძინა ივანიშვილი აკეთებს.

ყოფილი პრემიერ-მინისტრი ქვეყნის პირველი პრეზიდენტის 80 წლისთავს განცხადებით ეხმაურება. ვრცელ განცხადებაში ივანიშვილი წერს, რომ ადამიანი, რომელიც მთელი ცხოვრება სამშობლოს თავისუფლებისთვის იბრძოდა და რომელმაც რეალობად აქცია მრავალი თაობის ოცნება - გამოაცხადა საქართველოს დამოუკიდებლობა, "ტრაგიკულად დაიღუპა ისევ საკუთარი თანამემამულეებისგან დაუნდობლად დევნილი".

ივანიშვილის თქმით, პირველი პრეზიდენტის საქმის გამოძიება დროულად უნდა დასრულდეს და ყველაფერს დაერქვას თავის სახელი.
„აუცილებლად უნდა ითქვას - ის, რომ საქართველოს პირველი პრეზიდენტის დაღუპვის გარემოებები დღემდე გამოუძიებელია, არის ჩვენი ქვეყნის დიდი სირცხვილი. ეს საქმე აუცილებლად და დროულად უნდა მივიდეს ბოლომდე და ყველაფერს დაერქვას თავისი სახელი. როგორ და რატომ მოხდა, რომ ჩვენი სახელმწიფოებრიობის აღდგენის გარიჟრაჟზე, როდესაც ყველაზე მეტად გვჭირდებოდა ერთიანობა, ამ დროს ჩვენ ერთმანეთს დავერიეთ და ქვეყანა დავანგრიეთ. არ იქნებოდა სწორი გარეშე მტრისთვის ყველაფრის დაბრალება, მტერი ყოველთვის ისე იქცევა, როგორც მტერი უნდა იქცეოდეს, ჩვენ ჩვენი შეცდომები უნდა გავაანალიზოთ და ის მიზეზები მოვძებნოთ, რაც ამ შეცდომების დაშვებას გვაიძულებს,“ - აღნიშნულია განცხადებაში.

ზვიად გამსახურდიას ოჯახი 25 წელია, პირველი პრეზიდენტის გარდაცვალების საქმის გამოძიებას ითხოვს.

პირველი პრეზიდენტის შვილები პროტესტის ნიშნად შიმშილობდნენ და ზვიად გამსახურდიას საქმეზე ხანდაზმულობის ვადის მოხსნას ითხოვდნენ.

პროტესტის შემდეგ გამსახურდიას შვილებსა და მთავარ პროკურორს შორის შეხვედრა გაიმართა, სადაც გადაწყდა, რომ პირველი პრეზიდენტის გარდაცვალების გამოძიების საქმის საგამოძიებო ჯგუფს მთავარი პროკურორი, შალვა თადუმაძე უხელმძღვანელებს.
ქარელის მუნიციპალიტეტში მცირეწლოვანი გარდაცვლილი იპოვეს
ქარელის მუნიციპალიტეტში მცირეწლოვანი გარდაცვლილი იპოვეს
ქარელის მუნიციპალიტეტში მცირეწლოვანი გარდაცვლილი იპოვეს. სოფელ ბრეთში, გარდაცვლილი ბავშვი ოჯახის წევრებმა დილით ნახეს.

უცნობია, რა გახდა მცირეწლოვანის გარდაცვალების მიზეზი. არსებული ინფორმაციით, ბავშვი ავადმყოფობდა, თუმცა, ოჯახს სამედიცინო დაწესებულებისთვის არ მიუმართავს.

ამ წუთებში მცირეწლოვნის ცხედარი ექსპერტიზაზეა გადასვენებული.

მომხდართან დაკავშირებით შინაგან საქმეთა სამინისტრომ გამოძიება დაიწყო, რაც გაუფრთხილებლობით სიცოცხლის მოსპობას გულისხმობს.
თამარ ღოღობერიძე: „ძალიან მოხარული ვარ, რომ „პრაგმა არტ გრუპის” სახელით „სლავიანსკი ბაზარ 2019“ -ში ღირსეული კონკურსანტები წარდგებიან.“
თამარ ღოღობერიძე: „ძალიან მოხარული ვარ, რომ „პრაგმა არტ გრუპის” სახელით „სლავიანსკი ბაზარ 2019“ -ში ღირსეული კონკურსანტები წარდგებიან.“
სულ ახლახან, ნიუ-იორკში დაარსებულმა „პრაგმა არტ გრუპმა” ხელშეკრულება გააფორმა „სლავიანსკი ბაზართან“ და საერთაშორისო მუსიკალური ფესტივალისთვის უკვე რამდენიმე მონაწილეც შეარჩია, რომლებიც ბელორუსიაში ამერიკის სახელით მიიღებენ მონაწილეობას. Goga.tv თამარ ღოღობერიძეს, “Pragma Art Group”-ის და “Pearl of New-York”-ის დამფუძნებელს და პრეზიდენტს დაუკავშირდა და რამდენიმე კითხვით მიმართა:

-ქალბატონო თამარ, როდის დაარსდა „Pragma Art Group“ და რამდენი საბავშვო მუსიკალური ფესტივალი აქვს ჩატარებული?
-იგი სამი წლის წინ დავაარსეთ და მე და ჩემმა შემოქმედებითმა ჯგუფმა „ნიუ-იორკის მარგალიტის ფესტივალის“ ჩატარებას უკვე სამჯერ გავუკეთეთ ორგანიზება. ყველაზე მნიშვნელოვანი კი ისაა, რომ ამ ღონისძიების მასშტაბები უფრო და უფრო იზრდება და მონაწილეებს და მსმენელებს ყოველთვის ახალი სიახლეებით ხვდება.

-კონკურსებს თან ახლავს სხვადასხვა ღონისძიებებიც...
-დიახ, ასეა. ფესტივალს ლაიტმოტივად სხვადასხვა კულტურული ღონისძიებებიც ახლავს, რომლებშიც მონაწილეობას ამერიკაში მცხოვრები ქართველი ემიგრანტები ღებულობენ. მათ შესაძლებლობა ეძლევათ, წარადგინონ როგორც ფერწერული, ასევე ხელნაკეთი ნამუშევრები და მოაწყონ გამოფენა-გაყიდვა.

-განსაკუთრებულ მიღწევად რომელ ფესტივალს გაიხსენებდით?
-თითოეული ფესტივალი გამორჩეული ხასიათის და მნიშვნელობის მქონეა ჩემთვის, თუმცა აღვნიშნავ შარშან ჩატარებულ ნიუ-იორკის მარგალიტს. მასში მონაწილეობა ათამდე ქვეყნის წარმომადგენელმა მიიღო, სულ ორმოცდაათამდე პატარა ვიხილეთ ღონისძიების ფარგლებში. გამარჯვებულებს კი არამხოლოდ მნიშვნელოვანი ჯილდოები გადაეცათ, არამედ ვუსახსოვრეთ საგზურები ევროპის სხვადასხვა საერთაშორისო კონკურსებზე.

-როგორც ჩემთვის ცნობილია, „პრაგმა არტ გრუპმა“ ბევრი შემოთავაზებაც მიიღო...
-მოხარულები ვართ, რომ ჯგუფმა უკვე მოიხვეჭა სახელი და ნდობა. გვიკავშირდებიან მრავალი ორგანიზაციებიდან და გვთავაზობენ პარტნიორობას. ამჟამად ოთხი საერთაშორისო დონის ფესტივალთან და ორგანიზაციასთან ვთანამშრომლობთ (Slavianski Bazar, Riga Symphony, Shining Star, WAFA). ჩვენ ვატარებთ ამერიკაში შესარჩევ ტურებს და შემდეგ ყველაზე ნიჭიერ ახალგაზრდებს ამერიკის სახელით ვაგზავნით კონკურსებზე.
24 მარტს კი, მანჰეტენზე, ოპერა ამერიკაში, ოცდაათი კონკურსანტიდან ორ ასაკობრივ კატეგორიაში შევარჩიეთ გამარჯვებეულები, რომლებიც გამომდინარე იქიდან, რომ ამერიკის მოქალაქეები არიან, ივლისში, ქალაქ ვიტექსში ამ ქვეყნის სახელით წარდგებიან გრანდიოზულ კონკურსზე - „სლავიანსკი ბაზარ“

თამარ ღოღობერიძე: „ძალიან მოხარული ვარ, რომ „პრაგმა არტ გრუპის” სახელით „სლავიანსკი ბაზარ 2019“ -ში ღირსეული კონკურსანტები წარდგებიან.“


-ვინ იყვნენ ჟიურის წევრები და რა კრიტერიუმებით მოხდა მონაწილეების შერჩევა?
-მონაწილეებს ქართველი და ამერიკელი პროფესიონალები აფასებდნენ. ჟიურის თავჯდომარედ სახელგანთქმული პროდიუსერი, რეჟისორი და ახალგაზრდა ტალანტების აღმომჩენი, ჯულიან სკოტ ვარნერი გახლდათ. ყველაზე ღირსეულ კანდიდატებს ჟიურის ექვს წევრთან ერთად მეც ვარჩევდი. განსაკუთრებულად ამაყი ვარ რომ, „სლავიანსკი ბაზარზე“ ამერიკის მხრიდან კონკურსანტებს უნიჭიერესი ჟიური აფასებდა. მათ შორის იყვნენ: საოპერო მომღერალი - ვიქტორია გურბანსკაია, ცნობილი ქართველი მომღერალი - ნინი წიკლაური, ვასილ კოლხიდაშვილი - ვოკალის პედაგოგი, ტატიანა დისიენა -ვოკალური სტუდია “Talend league”-ის დამფუძნებელი, ვაგო ოჰანიანი- ნიუ-იორკის ხელოვნების სკოლის ვოკალის პედაგოგი.

-გამარჯვებულ კონკურსანტებზე რას გვეტყვით?
-შესარჩევ ტურში „სლავიანსკი ბაზარ ამერიკა 2019“ - ში პირველ კატეგორიაში (6- დან 12 წლამდე ) გაიმარჯვა ამერიკაში მცხოვრებმა ქართველმა ალექსანდრა კეკელიძემ და მეორე კატეგორიაში ( 18 -დან 31 წლამდე) - ამერიკელმა უკრაინელმა, ჯორჯ ლუცენკომ. ძალიან მოხარული ვარ, რომ „პრაგმა არტ გრუპის” სახელით „სლავიანსკი ბაზარ 2019“ -ში საკმაოდ ღირსეული კონკურსანტები წარდგებიან.



-კიდევ რა სიახლეები იგეგმება ჯგუფის მხრიდან?
-წინ დატვირთული თვეები გველის. კერძოდ, მაისში გვაქვს პატივი, მანჰეტენზე ჩავატაროთ საერთაშორისო კონკურსის, „რიგა სიმფონის“ შესარჩევი ტური და საერთაშორისო კონკურსზე ამერიკის სახელით წარსადგენი კონკურსანტები შევარჩიოთ. რაც შეეხება ნიუ-იორკის მარგალიტს, ასევე მაისში ჩატარდება საქართველოს რეგიონების მიხედვით შესარჩევი ტურები. ყველაზე ნიჭიერები მიიღებენ საგზურს „ნიუ-იორკის მარგალიტის“ ფესტივალზე ჩამოსასვლელად. ყველაზე გამორჩეულ კონკურსანტს კი ფესტივალი ყველანაირ ხარჯებს აუნაზღაურებს და აშშ-ში ფესტივალის ფინალში მონარწილეობის მისაღებად ჩამოიყვანს. ასევე, ფესტივალი საქართველოში შერჩეულ საპრიზო ადგილების მქონე კონკურსანტებს ნაწილობრივ თანადაფინანსებას გადასცემს ღონისძიებაში მონაწილეობისთვის.
ფესტივალი 26 ოქტომბერს „Marc Scorca Hall at National Opera Center“-ში იგეგმება. 27 ოქტომბერს კი მაყურებელი კონკურსანტებს გალა კონცერტზე „Roulette Intermedium“- ში იხილავს.
აქვე მინდა, მადლობა გადავუხადო შემოქმედებითი ჯგუფის წევრებს: ქაქუცა კლდიაშვილს, დავით ტვილდიანს და სალომე სიამაშვილს. მათ მიერ გაწეული დახმარების გარეშე ვერაფერს შევძლებდი.

ესაუბრა: ქეთი იმერლიშვილი

ქუთაისში მატარებელი რელსებიდან გადავარდა
ქუთაისში მატარებელი რელსებიდან გადავარდა
ქუთაისში მატარებელი რელსებიდან გადავარდა. შემთხვევა რამდენიმე წუთის წინ მოხდა.

მატარებელი ბათუმის მიმართულებით მიდიოდა, თუმცა, ის რელსებიდან გადავიდა. შემთხვევის დროს მატარებელში მგზავრები იმყოფებოდნენ.

ინციდენტის შედეგად არავინ დაშავებულა.
საპარლამენტო უმრვალესობის ლიდერი, არჩილ თალაკვაძე გაქურდეს
საპარლამენტო უმრვალესობის ლიდერი, არჩილ თალაკვაძე გაქურდეს
საპარლამენტო უმრვალესობის ლიდერი, არჩილ თალაკვაძე გაქურდეს. ამის შესახებ კურიერს ინფომირებულმა წყარომ აცნობა. ფაქტი ნუცუბიძის პლატოზე მოხდა.

მძარცვლები მე-12 კორპუსის მესამე სართულზე თალაკვაძის საცხოვრებელ სახლში, ვერანდიდან შევიდნენ და სეიფი მოიპარეს. სეიფში თალაკვაძე ფულს და იარაღს ინახავდა.

კურიერი ინფორმაციის გადასამოწმებლად თალაკვაძეს დაუკავშირდა, რომელმაც გვითხრა რომ კომენტარს ამ თემაზე ხვალ გააკეთებს.

"გვეგონა სპეცოპერაცია ტარდებოდა, იმდენი პოლიცელი იყო, მთელი დღე ზევით ქვევით დარბოდნენ " გვიყვება ნუცუბიძის ქუჩის ერთ ერთი მცხოვრები, რომელმაც ვინაობის გამხელა არ ისურვა.
გომბორი-თბილისის გზაზე ავტოსაგზაო შემთხვევას, ახალგაზრდა მამაკაცი ემსხვერპლა
გომბორი-თბილისის გზაზე ავტოსაგზაო შემთხვევას, ახალგაზრდა მამაკაცი ემსხვერპლა
გომბორი-თბილისის დამაკავშირებელ გზაზე ავტოსაგზაო შემთხვევას, ახალგაზრდა მამაკაცი ემსხვერპლა. შემთხვევა შუამთის ტყესთან მოხდა.

საპირისპიროდ მოძრავ სატვირთოს ჯიპის ტიპის ავტომობილი შეეჯახა. გარდაიცვალა მსუბუქი მანქანის მძღოლი.

ადგილზე სამაშველო სამსახური და პოლიცია მობილიზებული.

შინაგან საქმეთა სამინისტროს ინფორმაციით, ფაქტზე გამოძიება სსკ-ის 276-ე მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
koncerti