7
ირაკლი კვარაცხელიას ახლობლები თვითმკვლელობის ვერსიას გამორიცხავენ
ირაკლი კვარაცხელიას ახლობლები თვითმკვლელობის ვერსიას გამორიცხავენ
მთელი ღამის განმავლობაში მიმდინარეობდა ირაკლის კვარაცხელიას ექსპერტიზა სამხარაულის ეროვნულ ბიუროში. პროცესი 5 საათზე მეტხანს გაგრძელდა და ის ცოტა ხნის წინ დასრულდა. ექსპერტის ინფორმაციით, ცხედარს ყელზე დაზიანებები აღენიშნება. რაც შეეხება შინაგან ორგანოებს - მისივე თქმით, ისინი ცხედრიდან ამოღებული, შემდეგ კი უკან ჩაბრუნებულია. ამ წუთებში გარდაცვლილს უკვე საკუთარ სახლში, სენაკში მიასვენებენ.

"კურიერის" ინფორმაციით, 29 წლის ირაკლი კვარაცხელია რუსმა ჯარისკაცებმა დაკითხვისას ელექტროშოკით აწამეს, რა დროსაც მას გულის შეტევა მოუვიდა. საოკუპაციო რეჟიმი კი ამტკიცებს, რომ კვარაცხელიამ, რომელიც საზღვრის უკანონო კვეთის გამო დააკავეს, თავი მოიკლა.

"არის თოკის ჩანართები, მეტი დაზიანებები ფაქტიურად არ არის და დამატებითი გამოკვლევების შემდეგ დადგინდება რაღაცეები. დაზიანებები რაც იყო ყელზე უმნიშვნელო ნაჭდევები იყო ეს სიცოცხლის დროინდელია თუ სიკვდილის შემდეგ განვითარებული მაგაზე ლაბორატორიული კვლევებისთვის აღებული იქნა ნაჭრები,"- აცხადებს ექსპერტი ირაკლი თოიძე.

ირაკლი კვარაცხელიას ოჯახი და ახლობლები პირველივე დღიდან გამორიცხავენ თვითმკვლელობის ვერსიას და აცხადებენ, რომ ეს მათთვის მიუღებელია.

"არ გვაქვს ინფორმაცია რატომ იყო გადასული ან დადიოდა თუ არა. გალში არავინ არ გადავიდოდა რომ ჩაედინა თვითმკვლელობა, ეს თავიდანვე გამორიცხულია, ყოვლად მიუღებელი არგუმენტია,"-აცხადებს ირაკლი კვარაცხელიას ახლობელი.

შეგახსენებთ, რომ ირაკლი კვარაცხელია გალში რუსმა ოკუპანტებმა კვირას გადაიყვანეს. ორშაბათს კი გავრცელდა ინფორმაცია მისი დაღუპვის შესახებ. დეფაქტო ხელისუფლებამ ოფიციალურად განაცხადა, რომ კვარაცხელიამ თავი მოიკლა.
გორში დაკარგული 15 წლის არჩილ კობერიძე სამართალდამცველებმა თბილისში იპოვეს
გორში დაკარგული 15 წლის არჩილ კობერიძე სამართალდამცველებმა თბილისში იპოვეს
გორში დაკარგული 15 წლის არჩილ კობერიძე სამართალდამცველებმა თბილისში იპოვეს.

მოზარდი პოლიციელებმა ვაგზლის მოედანზე შენიშნეს. ბიჭი ჯერ გორში საკუთარ საცხოვრებელ სახლში არ დაუბრუნებიათ.

სხვა დეტალები უცნობია.

როგორც მისი ოჯახის წევრები ამბობენ, ის გუშინ, შუადღისას, მეზობელ უბანში ბებიასთან სტუმრად გაუშვეს, თუმცა, მოზარდი არც დანიშნულების ადგილზე მივიდა და არც სახლში დაბრუნებულა.

ბავშვის დაკარგვის შესახებ ოჯახმა სამართალდამცველებს დღეს დილით შეატყობინა.
34 წლის მაშველი სამსახურებრივი მოვალეობის შესრულების დროს გარდაიცვალა
34 წლის მაშველი სამსახურებრივი მოვალეობის შესრულების დროს გარდაიცვალა
ახმეტაში სახანძრო-სამაშველო სამსახურის თანამშრომელი დაიღუპა. 34 წლის მაშველი სამსახურებრივი მოვალეობის შესრულების დროს გარდაიცვალა.

შემთხვევა ახმეტის მუნიციპალიტეტის სოფელ ნადუქნარში მოხდა.

საგანგებო სიტუაციების მართვის სამსახურის ინფორმაციით, მაშველი სოფლის სასაფლაოზე გაჩენილი ხანძრის ჩაქრობას ცდილობდა, რა დროსაც სპეცდანიშნულების მანქანაზე ფეხი დაუცდა.

შემთხვევის ადგილზე იმყოფება პოლიცია და კრიმინალისტიკური სამსახური. მიმდინარეობს საგამოძიებო მოქმედებები.

შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც სატრანპორტო საშუალების უსაფრთხოების ან ექსპლუატაციის წესების დარღვევას გულისხმობს.
ფიზიკური დაპირისპირება "თიბისი ბანკის" ცენტრალურ ოფისთან
ფიზიკური დაპირისპირება "თიბისი ბანკის" ცენტრალურ ოფისთან
ფიზიკური დაპირისპირება "თიბისი ბანკის" ცენტრალურ ოფისთან - თბილისში, მარჯანიშვილის ქუჩაზე, ბანკის შესასვლელთან ნასვამ მდგომარეობაში მყოფი სამი პირი, ბანკის დაცვის თანამშრომლებს სიტყვიერად დაუპირისპირდა, რაც შემდეგ ჩხუბში გადაიზარდა.

დაპირისპირების შედეგად დაშავდა ერთი ადამიანი. ადგილზე მობილიზებული იყო პოლიცია და სასწრაფო დახმარების ბრიგადა.

სამივე მათგანი სამართალდამცველებმა დააკავეს. შინაგან საქმეთა სამინისტროს ინფორმაციით, მომხდარზე დაწყებულია გამოძიება.
ბაგრატიონების სამეფო კარის თამაშები - მეფეს დედოფალი უჩივის
ბაგრატიონების სამეფო კარის თამაშები - მეფეს დედოფალი უჩივის
ბაგრატიონების სამეფო კარის თამაშები - მეფეს დედოფალი უჩივის. ყოფილ სიძეს სამეფო ოჯახი თაღლითობაში ადანაშაულებს.

საქართველოს მართლმსაჯულების ისტორიაში პირველად სამეფო ოჯახის დაპირისპირებას საქალაქო სასამართლო განიხილავს. ნუგზარ და ანა ბაგრატიონ-გრუზინსკები დავით ბაგრატიონ-მუხრანელს უნებართვოდ სამეფო ოჯახის სახელის გამოყენებას ედავებიან.

საქმის სირთულიდან გამომდინარე მას საქალაქო სასამართლოში სპეციალური, სამი მოსამართლისგან შემდგარი კოლეგია განიხილავს. პროცესი ხვალიდან დაიწყება.

სამეფო ოჯახის ადვოკატი ბაგრატიონ-მუხრანელს ისტორიის გამყალბებლად მოიხსენიებს, კონკრეტულ ფაქტებს ასახელებს და საქართველოს სამეფოს სახელით ჩატარებულ შეხვედრებში ამხელს. ოჯახი დავით ბაგრატიონ-მუხრანელისთვის საქართველოს სამეფო სახელის გამოყენების აკრძალვასა და ზიანის ასანაზღაურებლად სიმბოლურად ერთ ლარს ითხოვს. თავის მხრივ, მოსარჩელე მხარეს თვითმარქვიად მოიხსენიებს.
ქართული კულტურის ცენტრ - "ფესვებს" ამერიკელი მწერალი ესტუმრება
ქართული კულტურის ცენტრ - "ფესვებს" ამერიკელი მწერალი ესტუმრება
შაბათს, 16 მარტს, 4 საათზე, ქართული კულტურის ცენტრს "ფესვებს" ბრუკლინში ესტუმრება ლათინო-ამერიკელი მწერალი - სილვანა პატერნოსტრო, რომელმაც ახლახანს გამოსცა წიგნი გაბრიელ გარსია მარკესზე. სილვანა ისაუბრებს მარკესის შესახებ, მის ცხოვრებასა და მოღვაწეობაზე. შეხვედრა გაიმართება დიალოგის რეჟიმში და შეგიძლიათ პირადად დაუსვათ კითხვები მას, ასევე შეიძინოთ მისი წიგნი, "Solitude & Company” მწერლის ავტოგრაფით.
ძალიან ლამაზი საღამო იქნება და ქართველ ემიგრანტ ბავშვებს შანსი ეძლევათ უფრო მეტი გაიგონ მსოფლიოში ცნობილი და ყველასათვის საყვარელი მწერლის შესახებ.
დასწრება თავისუფალია და გელოდებით ყველას, შემდეგ მისამართზე: 70 Avenue O, Brooklyn, NY 11204.
შეხვედრის ორგანიზატორია: ცისნამი საყვარლიშვილი და ძვირფასი ქალბატონი შორენა ბარბაქაძე.
მადლობა Vano Snoveli, Pesvebi NY (ფესვები)-ს ინტერესისთვის.
ვიმეგობროთ წიგნებთან და მხატვრულ ლიტერატურასთან.

პატივისცემით, ცისნამი საყვარლიშვილი

ქართული კულტურის ცენტრ - "ფესვებს" ამერიკელი მწერალი ესტუმრება
საერთაშორისო ანტიკური წიგნების გამოფენა-გაყიდვაზე საქართველოს ოკუპანტი ქვეყანა წარმოადგენს
საერთაშორისო ანტიკური წიგნების გამოფენა-გაყიდვაზე საქართველოს ოკუპანტი ქვეყანა წარმოადგენს
ცისნამი საყვარლიშვილი თავის ფეისბუქ გვერდზე ასეთი შინაარსის პოსტს აქვეყნებს.

გამარჯობა მეგობრებო,
როგორ ხართ?
მე მოგიყვებით ძალიან საინტერესო და ასევე გულსატკენ ამბავს.
7-10 მარტის ფარგლებში ნიუ-იორკში, კერძოდ პარკ ავენიუზე, Park Avenue Armory-ში, საერთაშორისო ანტიკური წიგნების, რიგით 59-ე გამოფენა-გაყიდვა ტარდება, სადაც მსოფლიოს ყველა ქვეყანა იღებს მონაწილეობას. ერთი საათი ვიბოდიალე წიგნებში და გულისფანცქალით ვეძებდი ქართული წიგნების კუთხეს და ჰოი, საოცრებავ რას გადავაწყდი. ოკუპანტი ქვეყნის, რუსეთის დილერი წარმოადგენს საქართველოს ერთი გაცრეცილი, დაძველებული წიგნით, რომელსაც სათაური ასეთი აქვს, #მემარცხენეობა. მეორე წიგნი ინგლისურ ენაზეა და საქართველოს შესახებაა, 59 დოლარი ღირს. ის ძველი ქართული წიგნი თაროზე გადაკარგულ ადგილას იდო და მე ჩამოვაღებინე.
ამ კომპანიას რეკლამას არ გავუწევ და მასზე არ დავწერ, თურმე თბილისშიც აქვს დიდი წიგნების მაღაზია.
კითხვაზე: რას ეუბნებით მყიდველს, დამთვალიერებელს საქართველოს შესახებ, თუ ამ წიგნით დაინტერესდებიან?
პასუხი: საქართველო დიდი კულტურის მატარებელი ქვეყანაა. ამას მეუბნება რუსი, რომელსაც ჩემი ქვეყნის ტერიტორიის 25 % ოკუპირებული აქვს.
სად არის ჩვენი დიდი შოთას "ვეფხისტყაოსანი"? რატომ ვერ ვხედავ ქართული წიგნის კუთხეს? საქართველოს მთავრობა | Government of Georgia, განათლების, მეცნიერების, კულტურისა და სპორტის სამინისტრო შავი ჯიპები მოიკელით და საქართველო ასეთი დონის საერთაშორისო ღონისძიებებზე წარადგინეთ. განა ვეფხისტყაოსანზე დიდებული წიგნი არსებობს მსოფლიოში?
გულდაწყვეტილმა იტალიური წიგნის კუთხეს მივაკითხე. იტალიელ წარმომადგენელს იტალიურად გავესაუბრე, დანტე ალიგიერის "ღვთაებრივი კომედიის" უძველესი გამოცემა ვნახე და გული ვიჯერე.
დანარჩენი კი თქვენ თქვით.

საერთაშორისო ანტიკური წიგნების გამოფენა-გაყიდვაზე საქართველოს ოკუპანტი ქვეყანა წარმოადგენს


თბილისში, ვახუშტის ხიდთან, მომხდარ ავარიას ერთი ადამიანის სიცოცხლე ემსხვერპლა
თბილისში, ვახუშტის ხიდთან, მომხდარ ავარიას ერთი ადამიანის სიცოცხლე ემსხვერპლა
თბილისში, ვახუშტის ხიდთან, მომხდარ ავარიას ერთი ადამიანის სიცოცხლე ემსხვერპლა, სამი კი დაშავდა.

შსს-ს ინფორმაციით, ხიდთან ავარია წუხელ, გვიან ღამით, მოხდა.

გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს.
ბათუმში ციტა ხნის წინ ცეცხლსასროლი იარაღით ახალგაზრდა მამაკაცი დაჭრეს
ბათუმში ციტა ხნის წინ ცეცხლსასროლი იარაღით ახალგაზრდა მამაკაცი დაჭრეს
ბათუმში ციტა ხნის წინ ცეცხლსასროლი იარაღით ახალგაზრდა მამაკაცი დაჭრეს. დაშავებული ბათუმის ერთ-ერთ საავადმყოფოშია გადაყვანილი.

თვითმხილველების ინფორმაციით, მამაკაცი ფეხის არეში არის დაჭრილი და მის სიცოცხლეს საფრთხე არ ემუქრება.

მომხდარის მიზეზი ჯერჯერობით უცნობია.

ამ დროისთვის შემთხვევის ადგილზე ნაპოვნია მსუბუქი ავტომანქანა, რომელსაც ცეცხლსასროლი იარაღის კვალი ეტყობოდა.

შსს-ს ინფორმაციით, გამოძიება ჯანმრთელობის განზრახ მძიმე დაზიანების და ცეცხლსასროლი იარაღის უკანონო შეძენა-შენახვის მუხლით მიმდინარეობს.
ცისნამი საყვარლიშვილი ქართულ გამომცემლობებს მიმართავს
ცისნამი საყვარლიშვილი ქართულ გამომცემლობებს მიმართავს
ნიუ-იორკში მცხოვრები ქართველი ემიგრანტი - ცისნამი საყვარლიშვილი ქართულ გამომცემლობებს მიმართავს.
"ძვირფასო ქართველო გამომცემლებო,
2019 წლის 6 მარტს, ყველასათვის საყვარელი მწერლის - გაბრიელ გარსია მარკესის დაბადების დღესთან დაკავშირებით, ცნობილი ლათინო-ამერიკელი მწერლის - სილვანა პატერნოსტროს ახალი წიგნის "Solitude & Company”-ის პრემიერა შედგა, სოჰოზე, დაუნთაუნ მანჰეტენზე. სილვანა წლებია ნიუ-იორკში ცხოვრობს. მისი წიგნი მარკესის ცხოვრებასა და მოღვაწეობას ეხება. წიგნში მოთხრობილია ბევრი ისეთი დეტალი რომელიც აქამდე საზოგადოებისთვის არ იყო ცნობილი. უკვე გამოიცა ორ ენაზე: ინგლისური და ესპანური. ვფიქრობ ძალიან საინტერესო სიახლე იქნება ქართველი მკითხველისთვის, თუკი რომელიმე ქართული გამომცემლობა დაინტერესდება და წიგნს ქართულად გამოსცემს.
გთხოვთ მოიფიქროთ და შემეხმიანეთ. შემიძლია პირადად დაგაკავშიროთ სილვანას აგენტს, გამომცემელს და ერთად ვიმუშაოთ ამ მაგარ საქმეზე.
გისურვებთ წარმატებებს.

პატივისცემით, ცისნამი

ცისნამი საყვარლიშვილი ქართულ გამომცემლობებს მიმართავს


ივანიშვილი მართავს საქართველოს როგორც განგსტერი - ფადი ასლი
ივანიშვილი მართავს საქართველოს როგორც განგსტერი - ფადი ასლი
საერთაშორისო სავაჭრო პალატის პრეზიდენტი, ბიზნესმენებს თიბისის მიმართ სოლიდარობის ღიად გამოხატვისკენ მოუწოდებს. ფადი ასლი თიბისი ბანკის მიმართ ივანიშვილის მიერ გამოცხადებულ ომზე მეტად "შოკის მომგვრელს" ქართული ბიზნესის წარმომადგენლების ჩუმ და დამყოლ დამოკიდებულებას მიიჩნევს. საერთაშორისო სავაჭრო პალატის პრეზიდენტი დაწრმუნებულია იმაშიც, რომ წერილთან დაკავშირებით მამუკა ხაზარაძე სრულ სიმართლეს ამბობს და აცხადებს, რომ ქვეყანაში ტერორის ნიშნებია.

"საქართველოში ბიზნესმენებს ხელისუფლების შურისძიების ეშინიათ. ქვეყანაში მიმდინარე მოვლენებში ტერორის ნიშნებს ვხედავ. შოკირებული ვარ იმით, რომ ქართველმა ბიზნესმენებმა ხმა არ ამოიღეს თიბისის დასაცავად, მათ ძალიან კარგად იცოდნენ, რომ ეს იყო ორგანიზებული თავდასხმა ბიძინა ივანიშვილის მხრიდან, რომელიც ქვეყნის მთავრობას იყენებდა ბანკისა და ანაკლიის პროექტისთვის ზიანის მისაყენებლად. ეჭვი არ მეპარება იმაში, რომ ეს წერილი მათ გაუგზავნეს მამუკა ხაზარაძეს ეს მაფიის მუშაობაა, ივანიშვილი მართავს საქართველოს როგორც განგსტერი, ქვეყნის მთავრობა ინსტრუმენტია მის ხელში, ველოდები როდის დაიწყებენ ქართველი ბიზნესმენები ხმამაღლა საუბარს არამხოლოდ თიბისის, არამედ სხვა კომპანიების შესახებაც. წინააღმდეგ შემთხვევაში საქართველოში ტერორი მუდმივად იქნება,"-აცხადებს ფადი ასლი.
გიორგი ქადაგიძე დღეს პროკურატურაში იყო დაბარებული
გიორგი ქადაგიძე დღეს პროკურატურაში იყო დაბარებული
გიორგი ქადაგიძე დღეს პროკურატურაში იყო დაბარებული, თუმცა ეროვნული ბანკის ყოფილმა პრეზიდენტმა საგამოძიებო უწყებაში მისვლაზე უარი განაცხადა. რამდენიმე საათში პროკურატურა შუამდგომლობით უკვე სასამართლოს მიმართავს, რათა ქადაგიძის გამოკითხვა მაგისტრი მოსამართლის თანდასწრებით მოხდეს. საქმე ეხება TBC ბანკის საქმესთან დაკავშირებულ ფულის გათეთრებას - იმ პერიოდში, რომელზეც გამოძიება საუბრობს, გიორგი ქადაგიძე ეროვნული ბანკის ფინანსური მონიტორინგის სამსახურის ხელმძღვანელი იყო. საკუთარი გადაწყვეტილების შესახებ გიორგი ქადაგიძემ დღის ბოლოს განცხადება სოციალურ ქსელშიც გააკეთა მისი თქმით, საკუთარი დამოკიდებულების გამოსახატად ის სასამართლოში ჩვენებას ადვოკატების გარეშე მისცემს. აქვე ქადაგიძემ საპარლამენტო საგამოძიებო კომისიის შექმნას მხარი დაუჭირა.
ლიბიაში გარდაცვლილ ქართველ მეზღვაურს, დავით რაზმაძეს თბილისში დღეს ჩამოასვენებენ
ლიბიაში გარდაცვლილ ქართველ მეზღვაურს, დავით რაზმაძეს თბილისში დღეს ჩამოასვენებენ
ლიბიაში გარდაცვლილ ქართველ მეზღვაურს, დავით რაზმაძეს თბილისში დღეს ჩამოასვენებენ. ოჯახის წევრების თქმით, აეროპორტიდან ცხედარს სამხარაულის სახელობის ექსპერტიზის ეროვნულ ბიუროში, ექსპერტიზის შემდეგ კი სახლში გადაასვენებენ.

ოჯახი ვარაუდობს, რომ დავით რაზმაძე მოკლულია. 23 წლის მეზღვაური ლიბიაში 6 იანვრის შემდეგ გაუჩინარდა. მისი ცხედარი 21 იანვარს, ნავსადგურში აღმოაჩინეს.
ამერიკაში დაბადებულმა ქართველმა სპორტსმენმა, ოქროს მედალი მოიპოვა
ამერიკაში დაბადებულმა ქართველმა სპორტსმენმა, ოქროს მედალი მოიპოვა
ამერიკაში დაბადებულმა ქართველმა სპორტსმენმა, ქრისტინე გავაშელმა ოქროს მედალი მოიპოვა ნიუ ჯერსის შტატში, ქალთა ჭიდაობაში, წონა 118 პაუნდი. ეს არის პირველი ქალთა ჩემპიონატი ჭიდაობაში ამიტომ ქრისტინე გავაშელი ჩაეწერა ისტორიაში როგორ პირველი ჩემპიონი 118 წონაში..
ნახეთ ბმულები რომელიც ასახავს ვიდეოებს და ინტერვიუს რომელიც გადმოსცა ნიუ ჯერსის სპორტის ზონამ. მოგება ასევე დაიბეჭდა გაზეთებში.
პროკურატურამ ზესტაფონის გამგებლის ყოფილი მოადგილე ხ.გ. დააკავა
პროკურატურამ ზესტაფონის გამგებლის ყოფილი მოადგილე ხ.გ. დააკავა
პროკურატურამ ზესტაფონის გამგებლის ყოფილი მოადგილე ხ.გ. დააკავა. უწყების მიერ გავრცელებულ განცხადებაში აღნიშნულია, რომ მას სამსახურებრივი უფლებამოსილების ბოროტად გამოყენება ედება ბრალად. ბრალდებული ასევე ხელმძღვანელობდა სახელმწიფო შესყიდვების შესახებ სამუშაოს შესრულების ხელშეკრულებების ინსპექტირების ჯგუფს, რომელსაც სამუშაოების ხარისხის დადგენა, ზედამხედველობის განხორციელება, მიღება-ჩაბარების აქტების გაფორმება და ანგარიშსწორების პროცესის რეგულირება ევალებოდა. სწორედ ერთ-ერთი სახელმწიფო შესყიდვის ხელშეკრულების შესრულებაში გამოვლენილი ხარვეზების გამო მოხდა ხ.გ-ს დაკავება.

"2014 წლის 6 ივნისს ზესტაფონის მუნიციპალიტეტმა და შპს „ტობემ “ სოფელ ტაბაკინის გზაზე ბეტონის საფარის მოწყობის სამუშაოს შესასრულებლად 930 195 ლარის ღირებულების სახელმწიფო შესყიდვის ხელშეკრულება გააფორმეს.

"სამუშაოს პროცესში დეფექტებისა და ნაკლოვანებებების გამოვლენის გამო ტექნიკურმა ზედამხედველმა არაერთხელ მიმართა წერილობით გამგეობას და აცნობა, რომ სამუშაოები ჩატარებული იყო ხარვეზებითა და პროექტის დარღვევით. შესაბამისი დოკუმენტაცია დაეწერა ხ.გ-ს, რომელსაც სრული წარმოდგენა ჰქონდა არსებული ნაკლოვანებების თაობაზე, თუმცა დაკისრებული სამსახურებრივი უფლებამოსილება ბოროტად გამოიყენა.

"კერძოდ, ხ.გ.-მ საჯარო ინტერესის საწინააღმდეგოდ, ტექნიკური ზედამხედველის დადებითი დასკვნის არ არსებობის პირობებში, რაც ხელშეკრულების თანახმად სამუშაოს ჩაბარების საფუძველი უნდა ყოფილიყო, უპირატესობა მიანიჭა შპს „ტობეს“და უხარისხოდ შესრულებულ სამუშაოებზე გაუფორმა მიღება-ჩაბარების აქტები. დოკუმენტების მიხედვით, სამუშაოები შესრულებული იყო დამაკმაყოფილებლად, შესაძლებელი იყო ღირებულების ანაზღაურება და შედეგად შემსრულებელს ჩაერიცხა თანხა.

"სასამართლო ექსპერტიზის ეროვნული ბიუროს დასკვნით დადასტურებულია, რომ შესრულებული სამუშაოების მნიშვნელოვანი ნაწილი უხარისხოა.

"გამგებლის მოადგილის ქმედებით არსებითად დაირღვა სახელმწიფოს კანონიერი ინტერესი, მატერიალურმა ზიანმა კი 346 953 ლარი შეადგინა,"-აღნიშნულია განცხადებაში.
პიროვნება რომელმაც რამდენიმე დღის წინ ლადო ბედუკაძეს სცემა , დღეს ავარიაში დაიღუპა
პიროვნება რომელმაც რამდენიმე დღის წინ ლადო ბედუკაძეს სცემა , დღეს ავარიაში დაიღუპა
თბილისში გაზით 2 ადამიანი გაიგუდა
თბილისში გაზით 2 ადამიანი გაიგუდა
ნაძალადევის რაიონში, გაზით 2 ადამიანი გაიგუდა. უბედური შემთხვევა კნოლევის ქუჩაზე მოხდა. ბინა, რომელშიც ცხედრები იპოვეს, ნაქირავები იყო. გარდაცვლილები არიან ახალგაზრდა მამაკაცი და ქალბატონი.

როგორც "ყაზტრანსგაზის" მიერ გავრცელებულ განცხადებაშია ხღნიშნული, მათ მიერ განხორციელებული შემოწმების შედეგად ჩახსნილია გაზის მოწყობილობები.
გარდაცვლილი ნინო ზალინაშვილის დედას ბრალი დაუმძიმდა
გარდაცვლილი ნინო ზალინაშვილის დედას ბრალი დაუმძიმდა
გარდაცვლილი ნინო ზალინაშვილის დედას ბრალი დაუმძიმდა. გამოძიება ლელა ქსოვრელს ახლა უკვე სხეულის განზრახ მძიმე დაზიანებას ედავება, რამაც არასრულწლოვნის სიცოცხლის მოსპობა გამოიწვია. ბრალის დამძიმების საფუძველი სამედიცინო ექსპერტიზის პასუხი გახდა. დაკავებული ბრალს არ აღიარებს, მისი ადვოკატი კი 7 მარტის სხდომაზე პროცესის დახურვის შუამდგომლობას დააყენებს.

თბილისში ოთხი წლის გოგონას გარდაცვალების საქმეზე, ლელა ქსოვრელი 22 იანვარს დააკავეს. გამოძიება თავდაპირველად ბავშვის დედას მხოლოდ შემაკავებელი ორდერის დარღვევას ედავებოდა.
მე-4 დღეა ვენაში ქართველ სტუდენტს უშედეგოდ ეძებენ
მე-4 დღეა ვენაში ქართველ სტუდენტს უშედეგოდ ეძებენ
მე-4 დღეა ვენაში ქართველ სტუდენტს უშედეგოდ ეძებენ. ანრი ლომიძე მას შემდეგ გაუჩინარდა, რაც ორ უკრაინელ სტუდენტთან კონფლიქტი მოუვიდა. არსებული ინფორმაციით, ქართველ სტუდენტს ბინა სწორედ მათთან ერთად ჰქონდა ნაქირავები. კონფლიქტის შემდეგ ანრი ლომიძემ საცხოვრებელი სახლი დატოვა და მას შემდეგ ის არავის უნახავს. ლომიძე წარმოშობით ქუთაისიდან არის და ორი წელია ვენაში ცხოვრობს. მისი გაუჩინარების შესახებ უკვე ინფორმირებულია ავსტრიის პოლიცია და საქართველოს საელჩო. საკონსულოში აცხადებენ,რომ ქართველი ახალგაზრდას გაუჩინარების საქმეზე საგამოძიებო მოქმედებები მიმდინარეობს. დამატებითი დეტალები კი ამ დროისთვის უცნობია.

"როგორც ვიცით რაღაც შეკამათება მოსვლია ტანსაცმელი წამოუღია და გამოსულა გარეთ, ეს მოხდა კვირას. კვირავე დღეს სტუდენტური საცხოვრებელი ერთი ეგულებოდა თავისი მეგობრები და ყვიროდა ზემოთ სახელებს, ვიღაცას გამოუხედია და უთქვამს რომ არ არის სახლში ვისაც ეძებო. ამის შემდეგ ჩამოსულა ის ადამიანი ქვემოთ და მანქანაზე იდო მხოლოდ ყურსასმენები და მეტი არაფერიო. ეს არის ის რაც ვიცით, ამის შემდეგ გაუჩინარებულია,"-აცხადენს ანრი ლომიძის მეგობარი.
შეიარაღებულმა პირებმა ლიბერთი ბანკის ფილიალი დააყაჩაღეს
შეიარაღებულმა პირებმა ლიბერთი ბანკის ფილიალი დააყაჩაღეს
შეიარაღებულმა პირებმა ლიბერთი ბანკის ფილიალი დააყაჩაღეს. შემთხვევა ყაზბეგის 6 ნომერში მოხდა. თავდამსხმელებმა ბანკიდან თანხა წაიღეს, თუმცა რამდენი, უცნობია. შემთხვევის შედეგად არავინ დაშავებულა. თანამშრომლები მომხდარის დეტალებზე არ საუბრობენ. ისინი სამართლდამცველებმა უკვე გამოკითხეს. ადგილზე ექსპერტ-კრიმინალისტები რამდენიმე საათის განმავლობაში აწარმოებდნენ საგამოძიებო მოქმედებებს. ფაქტზე გამოძიება ყაჩაღობისა და ცეცხლსასროლი იარაღის შეძენა-შენახვა ტარების მუხლებით მიმდინარეობს.
სამართალდამცველებმა ზვიად კუპრავა დააკავეს
სამართალდამცველებმა ზვიად კუპრავა დააკავეს
"სამართალდამცველთა რეფორმირების ცენტრის" ხელმძღვანელი ზვიად კუპრავა დააკავეს - სამართალდამცველები მის ოფისში გამთენიისას მივიდნენ. ზვიად კუპრავა გლდანის მერვე დაწესებულებაშია გადაყვანილი. მისი დაკავების მომენტში ადგილზე იმყოფებოდნენ კუპრავას მეუღლე, ოჯახის წევრები და მხარდამჭერები გაერთიანებული ოპოზიციიდან.

"სამართალდამცველთა რეფორმირების ცენტრის" ხელმძღვანელის მეუღლის განცხადებით, დაკავების დროს პოლიციამ კუპრავას ოფისი დაარბია და დამტვრეულია ინვენტარი, მათ შორის კომპიუტერები.

შეგახსენებთ, რომ საქმე ეხება რამდენიმე თვის წინ სასამართლოს სასადილოში მომხდარ ინციდენტს, რომლის გამოც კუპრავას გირაო შეეფარდა, რამდენიმე დღის წინ კი კუპრავას მიერ ადვოკატ ირაკლი ზაქარეიშვილს ფიზიკური შეურაცხყოფის გამო პროკურატურამ გირაოს შეცვლა მოითხოვა - რაც დაკმაყოფილდა.
75 წლის ქალი ბოდიბილდერი (ვიდეო)
75 წლის ქალი ბოდიბილდერი (ვიდეო)
ბექა ნაცვლიშვილი დღეს უმრავლესობის დატოვებას აპირებს
ბექა ნაცვლიშვილი დღეს უმრავლესობის დატოვებას აპირებს
დეპუტატი ბექა ნაცვლიშვილი დღეს უმრავლესობის დატოვებას აპირებს. ამ გადაწყვეტილებას ნაცვლიშვილი, იმ შემთხვევაში მიიღებს, თუ თანაგუნდელები საპენსიო რეფორმასთან დაკავშირებით მის ინიციატივას სესიაზე მხარს არ დაუჭერენ. გადაწყვეტილების შესახებაც განცხადებას სესიაზე გააკეთებს. ფრაქცია "ქართული ოცნება - სოციალისტების" წევრი დამოუკიდებლად აპირებს საქმიანობის გაგრძელებას. არ არის გამორიცხული ბექა ნაცვლიშვილის შემდეგ უმრავლესობა მმართველ გუნდთან დაპირისპირებულმა უმრავლესობის სხვა დეპუტატებმაც დატოვონ, მათ შორის ეკა ბესელიამ და მისმა თანამოაზრეებმა.

"მე შეიძლება დავტოვო კენჭისყრის შემდგომ უკვე უმრავლესობა, შეიძლება კიდევ რამოდენიმე დეპუტატმა, მაგრამ რაც შეეხება თვითონ უმრავლესობის დაშლას, ეს დღის წესრიგში არ დგას,"-აცხადებს ბექა ნაცვლიშვილი.
სამტრედიაში, საცხოვრებელ სახლში მომხდარი აფეთქების შედეგად, 58 წლის მამაკაცი დაშავდა
სამტრედიაში, საცხოვრებელ სახლში მომხდარი აფეთქების შედეგად, 58 წლის მამაკაცი დაშავდა
სამტრედიის სოფელი ტოლებში, საცხოვრებელ სახლში მომხდარი აფეთქების შედეგად, 58 წლის მამაკაცი დაშავდა. აფეთქება სავარაუდოდ, ბუნებრივი აირის დაგროვებამ გამოიწვია, რასაც ნგრევა მოჰყვა. ადგილზე 2 სახანძრო-სამაშველო ჯგუფი მუშაობდა. გამოძიება ენერგორესურსით სარგებლობის წესების დარღვევის მუხლით დაიწყო.

"ჩამომწვარი ჰქონდა ყველაფერი ტანზე, შემოვაჭერით რაღაცა ჩავაცვით ტანზე და წაიყვანა სასწრაფომ,"-აცხადებს დაშავებულის ნათესავი, გენო შანიძე.
ბელა რომელაშვილის და ნუცი ნებიერიძის ერთობლივი საღამო ნიუ-იორკში
ბელა რომელაშვილის და ნუცი ნებიერიძის ერთობლივი საღამო ნიუ-იორკში
22 თებერვალს, 19:00 საათზე, საქართველოს გენერალური საკონსულო ნიუ-იორკში უმასპინძლებს ბელა რომელაშვილის ფერწერულ ნამუშევრებს. ღონისძიებას მუსიკალურად გააფორმებენ მუსიკოსი ნუცი ნებიერიძე და მისი კოლეგები.

ბელა რომელაშვილი დიდ ბრიტანეთში მცხოვრები მხატვარი გახლავთ, რომლის ნამუშევრები არაერთხელ გამოფენილა სხვადასხვა გალერეებში ემიგრანტ ქართველ და უცხოელ ხელოვანებთან ერთად. მისი ბოლო დროინდელი ნამუშევრები წარმოდგენილ იქნა ლონდონში “5th Base Gallery” (2016), და აშშ-ში “The Amadeus Performance Space” Connecticut/Stamford (2017), სადაც გამოფენის გახსნასთან ერთად მისი ქალიშვილის, ნუცი ნებიერიძის კონცერტი შესრულდა.

ნუცი ნებიერიძე ნიუ-იორკში მოღვაწე ქართველი მუსიკოსია. ის უკვე მეორედ უძღვება ქალბატონ ბელას გამოფენას შეერთებულ შტატებში საავტორო კომპოზიციებით. მისთვის დედის შემოქმედება ყოველთვის ინსპირაციის წყარო იყო და მუდამ დიდ გავლენას ახდენდა მხატვრის მიერ შესრულებული აბსტრაქტული ფერწერული ნამუშევრები, სტრუქტურები, ფერთა ჰარმონიები და კომპლექსური კომპოზიციური იდეები. როგორც თავად მუსიკოსი აღნიშნავს, ბელას შემოქმედებაში ყოველთვის პოულობს იმ მნიშვნელოვან სტრუქტურებს, რომლებსაც ეძებს და შემდეგ ცდილობს, მისდიოს და განახორციელოს მის მუსიკაში.

ბოლო ოცი წლის მანძილზე ბელა რომელაშვილის ნამუშევრები იფინებოდა როგორც სოლო, ასევე ჯგუფურ გამოფენებზე სხვადასხვა სივრცეებსა/ვენიუებსა და გალერეებში: Gallery "Cossachok" (გლაზგო); Luke & A Gallery (ლონდონი); Old Gallery (თბილისი); Vital Spark (აბერდინი) და ა.შ.
ბელა რომელაშვილის ნამუშევრების სერია “The Connections”, წარმოადგენს პორტრეტული ხასიათის ციკლს. მის ნამუშევებში ფიგურები ერთმანეთთან არიან ინტერაქციაში. გამოკვეთილი სახეები და სხეულები ერთიანდებიან და ერთმანეთს შეიცავენ,  აქვთ სხვადასხვა ხასიათი და ფორმა, რომლებიც ერთ მთლიანობას ქმნიან. ხელოვანის შემოქმედება ეხმაურება თანამედროვე სამყაროს, სადაც სხვადასხვა ტექნოლოგიების დახმარებით,  ადამიანები ხშირად ვირტუალური კომუნიკაციით ცხოვრობენ, მათ შორის აღარ არსებობს საზღვრები და მანძილი. პორტრეტების სერიაში, ახლო და შორი ერთ სიბრტყეშია განლაგებული, მოშლილია მანძილი და საზღვრები, ყველაფერი ერთი ვირტუალური ღრუბელია, სადაც დროს და სივრცეს მნიშვნელობა დაკარგული აქვს.

ავტორი: ქეთი იმერლიშვილი
თამარ თოიძე: „ყველა ხელოვანი ნებისმიერ სფეროში თავისებურად შეუდარებელი ინდივიდია“
თამარ თოიძე: „ყველა ხელოვანი ნებისმიერ სფეროში თავისებურად შეუდარებელი ინდივიდია“
ხელოვნებისადმი სიყვარული ბავშვობიდან მოსდევს. დამთავრებული აქვს ცხინვალის სამხატვრო სასწავლებლის ფერწერის ფაკულტეტი. არის სამასამდე ნამუშევრის ავტორი. მისი აქტიური პერიოდი მხატვრობაში ქალაქ გორს უკავშირდება. მიღებული აქვს მონაწილეობა არაერთ კონკურსში თუ ფესტივალზე. როგორც თავად ამბობს, ხელოვანი არასოდეს უნდა გაჩერდეს და მუდამ მზად იყოს ახალი გამოწვევებისთვის თავის პროფესიაში.

-თამარ, ხატვის უცნაური და განსხვავებული სტილი გაქვთ. როგორ აღწერდით საკუთარ სტილს მხატვრობაში?
-მე ვფიქრობ, სტილი ადამიანის ხასიათიდან და თვისებებიდან გამომდინარეობს. სხვადასხვა ასაკში სხვა სახით გადმოვცემდი ჩემს სათქმელს, განწყობას, მაგრამ რაც დღემდე შევინარჩუნე, ფერზე ორიენტირებაა. ჩემი სტილი ალბათ, უფრო თავისუფალი და თანამედროვეა. მთავარი იდეა იმაში მდგომარეობს, შემოქმედება მანათობელი და ხმოვანი გავხადო, რომ მნახველმა იგი მკვეთრად შეიგრძნოს და მისი ესმოდეს კიდეც.

-მართალია, რომ ხატვის დროს კოსმეტიკურ საშუალებებსაც მიმართავთ?
-არა მხოლოდ კოსმეტიკას, არამედ რასაც ჩემი ფანტაზია გასწვდება, თითქმის ყველაფერს ვიყენებ. შეიძლება ეს იყოს ფრჩხილის ლაქი, ტუჩსაცხი, ტონალური საცხი, ბუმბული, ფერადი ძაფები, ქვები და ა.შ.
თამარ თოიძე: „ყველა ხელოვანი ნებისმიერ სფეროში თავისებურად შეუდარებელი ინდივიდია“
-ყველაზე საყვარელი ნამუშევარი, რომელსაც ვერ შეელევით?
-მახსენდება მინიატურა სახელწოდებით „მელანქოლია“, რომელიც სამწუხაროდ 2008 წლის გორის ომს შეეწირა. რადგან ჩემი აქტიური პერიოდი მხატვრობაში გორს უკავშირდება, შესაბამისად ბევრ ნამუშევრებთან ერთად, აღნიშნული ნახატიც იქ მქონდა. მიყვარდა იმიტომ, რომ საუცხოო ფერთა გამა გამომივიდა. იმ ნამუშევარმა სახალხო ფესტივალზე მიიღო მონაწილეობა და დიპლომიც მომიტანა. სხვათაშორის, ფესტივალზე ბევრი სახელოვანი მხატვარი იღებდა მონაწილეობას, მაგრამ ჩემდა გასაოცრად დიპლომი მე მერგო. ზოგჯერ დიდი სურვილი მაქვს, მხედველობითი მეხსიერებით აღვიდგინო, მაგრამ სამწუხაროდ არ გამომდის.

-როგორ მოდის ნახატის შექმნის იდეა? რამე განსაკუთრებული წინაპირობა გჭირდებათ?
-ერთი გრაფიკული ნამუშევარი მქონდა, სახელწოდებით „მგლოვიარე პალიტრა“, რომელსაც მხოლოდ თეთრი ფერი ედო ზედ. იმდენად ჩემი იყო და არავისას ჰგავდა, ბევრი მეკითხებოდა შექმნის იდეას. რა გითხრათ? იდეები წამიერად მომდის და წინასწარ არასოდეს ვიცი, რა შეიქმნება.

-რომელია თამარ თოიძის საყვარელი ნივთი სახელოსნოში?
-საყვარელი ნივთებია მასტეხინი და პერო. მასტეხინი იმიტომ, რომ სრულ თავისუფლებას მაძლევს, თამამად ვიმუშავო ფერში. პერო ყოველივე ფერს კონტურულ ჩარჩოებს უწესებს. ზოგჯერ მას ცხოვრებასაც ვადარებ. ისიც ასეა, გვაფრთხილებს, რომ როგორც კი რაღაც ჩარჩოებს და კონტურებს გავცდებით, აუცილებლად გართულდება. სხვა საკითხია ვინ რისკიანი რჩება და ვინ არა.

-რის ხატვა განიჭებთ ყველაზე დიდ ბედნიერებას და რატომ?
-ხშირად ვიცვლი შესრულების მანერას და რაღაცების ხატვის სურვილს, მაგრამ ერთადერთი, რისი სიყვარულიც ბავშვობიდან მომყვება, ყვავილების, პეპლების და ფრინველების ხატვაა.

-როგორც ვიცი, თქვენი მოხატული გედი ჟვანიას პედიატრიული კლინიკის ერთ-ერთი პალატის კედელს ამშვენებს.
-ეს იყო დიაბეტის საერთაშორისო დღეს, 14 ნოემბერს, როდესაც კლინიკის პაციენტებს საჩუქრად გედი მოვუხატე. ეს ფრინველი ჩემთვის სიმშვიდესთან და სილამაზესთან ასოცირდება, ამიტომ ვაჩუქე იმ დღეს ეს ნახატი ბავშვებს.

-ხელოვანებს ხშირად ჰყავთ ქუმირი, რომლებიც მათ სულიერ სამყაროსთან ახლო კავშირში არიან. რომელმა ხელოვანმა მოახდინა გავლენა თქვენს შემოქმედებაზე?
-კონკრეტული ქუმირი არ მყავს, თუმცა ძირითადად იმპრესიონისტები მომწონს. ყოველთვის მომწონდა რენუარი და ალბათ, რაღაცით იგრძნობა კიდეც მისი გავლენა ჩემს შემოქმედებაზე.

-პირველ ნამუშევარს ხომ ვერ გაიხსენებდით?
-ჩემი პირველი ნამუშევარი გულსაბნევი თაგუნია გახლდათ, მბზინვარე თვლებით და პერლამოტრის ფერებით. ჩეხური ბროლით იყო მოპირკეთებული. სამი წლის ასაკში ნატურიდან გადავხატე და დედა დიდხანს ინახავდა ამ ნახატს.

-დროთა განმავლობაში ადამიანებს ეცვლებათ ინტერესები, მოთხოვნები და ა.შ. თქვენ როგორ შეაფასებდით და შეადარებდით ადრინდელ ნამუშევრებს დღევანდელთან?
-ვფიქრობ, ადრე შექმნილი ნამუშევრები ფერში ბევრად ნათელი, სუფთა და კაშკაშაა, ამიტომ უპირატესობას მათ ვანიჭებ, მაგრამ ასაკის მატებასთან ერთად ჩემმა ნამუშევრებმა თემატურად უფრო მეტი დატვირთვა მიიღეს და ესეც ძალიან მნიშვნელოვანი რამ არის.

-როგორც ვიცი, ბოლო დროს ფოტოხელოვნებამაც გაგიტაცათ...
-დიახ, ჰობად მექცა ფოტოხელოვნება. ძირითადად ძველ შენობებს, ქალაქის ხედებს, კარებებს, ჩუქურთმებს და ა.შ. ვაფიქსირებ და კადრებად ვინახავ.

-თქვენი აზრით, რა სჭირდება ხელოვანს, რომ იყოს შეუდარებელი და კიდევ მეტად შემოქმედებითი?
-ყველა ხელოვანი ნებისმიერ სფეროში თავისებურად შეუდარებელი ინდივიდია. ვისურვებდი, რომ არ უხდებოდეთ სიდუხჭირით ცხოვრება. არ იყვნენ დაკავებულნი ყოფითი პრობლემებით და ჰქონდეთ ყველა პირობა, რომ შექმნან და დატოვონ ფასეული ნამუშევრები. კიდევ ერთს დავამატებდი, რომ ყოველთვის მოძრაობაში იყვნენ. პირადად მე, არასოდეს ვყოფილვარ სახელოსნოში გამოკეტილი მხატვარი, მუდამ მიყვარდა აქტიური ცხოვრება.

-თუ გქონიათ ეგრეთწოდებული „შემოქმედებითი შიმშილი“ და როგორ ებრძვით მას?
-ჩემი პედაგოგი, გაბარაევი ამბობდა ხოლმე, რომ ნიჭმა გაყინვა იცის და თავს ძალას ნუ დაატანთ, მოვა დრო და ეს ყინული გალღვებაო. სიმართლე გითხრათ, მეც ოლიმპიური სიმშვიდით ვხვდები ხოლმე ასეთ პერიოდებს.

-რას არ დახატავთ არასოდეს და რატომ?
-არასოდეს დავხატავ ომს, სისხლისღვრას და ბოროტებას. ვთვლი, რომ ბოროტება არ იმსახურებს ტილოზე უკვდავებას.

-თამარ თოიძის საყვარელი ადგილი?
-ძალიან მიყვარს ზღვა. განსაკუთრებით საღამოს არის მიმზიდველი, როდესაც მზე თითქოს თავზე ადგას და გარშემო უთვალავ ფერთა სპექტრი იქმნება. მასაც ადამიანივით თავის ხასიათი აქვს და ცოცხალია. ხან წყნარია, ხან გაგიჟებული, აქვს თავის სუნი, ფერი, ხმა და სიცოცხლით სავსეა.

-უცნაური ჩვევა...
-არ ვიცი რამდენად უცნაური შეიძლება ვუწოდოთ, მაგრამ ხშირად ვფიქრობ უსასრულობაზე...

-სამომავლო გეგმებზე რას გვეტყვით?
-ძალიან დაკავებული ვარ, ვემზადები პერსონალური გამოფენისთვის, რომელიც წინა გამოფენებთან შედარებით გაცილებით დატვირთული და შემოქმედებითად მდიდარი იქნება.

ავტორი: ქეთი იმერლიშვილი
დეკანოზი გიორგი მამალაძე ღუდუშაურის კლინიკაში რამდენიმე წუთის წინ აზიარეს
დეკანოზი გიორგი მამალაძე ღუდუშაურის კლინიკაში რამდენიმე წუთის წინ აზიარეს
დეკანოზი გიორგი მამალაძე ღუდუშაურის კლინიკაში რამდენიმე წუთის წინ აზიარეს. მამა გიორგი მამალაძე ბათუმის მღვდელმსახურმა ნიკოლოზმა აზიარა.

მამა ნიკოლოზი თბილისში დღეს საგანგებოდ ჩამოვიდა დეკანოზის ჯანმრთელობის მდგომარეობის გამო.

მამა ნიკოლოზმა ჟურნალისტებს განუცხადა, რომ დედაქალაქში ორშაბათს გეგმავდა ჩამოსვლას, თუმცა, დეკანოზ მამალაძის ჯანმრთელობის მდგომარეობის გაუარესების გამო, დღესვე აზიარა.

მისი თქმით, ინსულტის გამო, მამა გიორგი მამალაძეს ლაპარაკი არ შეუძლია.

დეკანოზი გიორგი მამალაძე საკმაოდ დიდი ხანია, რაც ზიარებას ითხოვს, თუმცა, ამ დრომდე თანხმობა არ ჰქონდა მიღებული.

დეკანოზის ზიარების მოთხოვნით გიორგი მამალაძის ოჯახი საპატრიარქოსთან აქციას რამდენიმე დღეა, რაც მართავს.

საპატრიარქომ ოჯახის პასუხად რამდენიმე დღის წინ განცხადება გაავრცელა, სადაც აღნიშნული იყო, რომ ნებისმიერ სასულიერო პირს, ვინც ზიარების ტვირთს საკუთარ თავზე აიღებდა, შეეძლო, დეკანოზი ეზიარებინა.
ულტიმატუმის ვადის ამოწურვისთანავე, ილიაუნის სტუდენტებმა შიმშილობა დაიწყეს
ულტიმატუმის ვადის ამოწურვისთანავე, ილიაუნის სტუდენტებმა შიმშილობა დაიწყეს
წუხელ, 22:00 საათზე, ულტიმატუმის ვადის ამოწურვისთანავე, ილიაუნის სტუდენტებმა შიმშილობა დაიწყეს.

ისინი რექტორის გადადგომას ითხოვენ და გიგა ზედანიას ამისთვის ვადა გუშინ, საღამოს ათ საათამდე ჰქონდა. თუმცა, ზედანიამ მათი მოთხოვნა არ დააკმაყოფილა.

ამ დროისთვის ილიაუნის 15 სტუდენტი რექტორის კაბინეტის წინ შიმშილობს. ისინი აანონსებენ, რომ მოშიმშილეთა რიცხვი გაიზრდება.

სტუდენტები უნივერსიტეტში დაწყებულ რეფორმას ეწინააღმდეგებიან და ითხოვენ, რომ ბიზნეს სკოლა არ გაუქმდეს და ძველი სახე შეინარჩუნოს.

სტუდენტები განათლების სამინისტროს და პარლამენტის განათლების კომიტეტს უნივერსიტეტში მიმდინარე პროცესებში ჩართვისკენ მოუწოდებენ.

ვითარება ილიაუნიში მას შემდეგ დაიძაბა, რაც ბიზნესსკოლის დეკანი, გიორგი ქადაგიძე, თანამდებობიდან გაათავისუფლეს. ბოლო 2 კვირის განმავლობაში ილიაუნი პროტესტის ნიშნად კიდევ რამდენიმე ლექტორმა დატოვა. ქადაგიძეს მხარდაჭერას უცხადებენ ბიზნესსკოლის სტუდენტები და მის აღდგენას მოითხოვენ.
მამა გიორგი მამალაძე, მატროსოვის ციხიდან იშემიური შეტევის დიაგნოზით ღუდუშაურის კლინიკაში გადაიყვანეს
მამა გიორგი მამალაძე, მატროსოვის ციხიდან იშემიური შეტევის დიაგნოზით ღუდუშაურის კლინიკაში გადაიყვანეს
პატიმრობაში მყოფი მამა გიორგი მამალაძე, მატროსოვის ციხიდან იშემიური შეტევის დიაგნოზით ღუდუშაურის კლინიკაში გადაიყვანეს, ამის შესახებ ინფორმაციას პენიტენციური სამსახური ავრცელებს. უწყების ინფორმაციით მსჯავრდებულს, წინასწარი დიაგნოზით ჰიპერტონული კრიზი და თავის ტვინის ტრანზიტორული ტიპის იშემიური შეტევა აღენიშნებოდა რის გამოც, N9 პენიტენციური დაწესებულებიდან სამოქალაქო სამედიცინო დაწესებულებაშია გადაყვანილი.

მამა გიორგი ციხეში შეუძლოდ 18.38 საათზე გახდა, მას დახმარება ადგილზევე აღმოუჩინეს და სასწრაფო სამედიცინო დახმარების ბრიგადა გამოიძახეს. მსჯავრდებულისთვის გადაღებულმა კარდიოგრამამ არსებითი ცვლილებები არ უჩვენა, რის გამოც გიორგი მამალაძის სტაციონარში გადაყვანა სასწრაფო დახმარების მედპერსონალმა საჭიროდ არ მიიჩნია.

21.35 საათზე მატროსოვის ციხეში სასწრაფო სამედიცინო დახმარების ბრიგადა ისევ გამოიძახეს, რის შედეგადაც მსჯავრდებული შემდგომი კვლევებისათვის ღუდუშაურის კლინიკაში მოთავსდა.

"ჩემი ძმა ღუდუშაურშია ცუდადაა, მეტი არაფერი ვიცი" უთხრა კურიერს დეკანოზის ძმამ, თორნიკე მამალაძემ.
თბილისში, ორთაჭალაში, გვიან ღამით ტრანსგენდერი ქალი სცემეს
თბილისში, ორთაჭალაში, გვიან ღამით ტრანსგენდერი ქალი სცემეს
თბილისში, ორთაჭალაში, გვიან ღამით ტრანსგენდერი ქალი სცემეს. დაზარალებულის განმარტებით, კლიენტმა, რომელიც სავარაუდოდ, ნასვამ მდგომარეობაში იმყოფებოდა ჯერ სიტყვიერი, შემდეგ კი ფიზიკური შეურაცხყოფა მიაყენა.

ნაცემმა ქალმა დახმარება მეგობარს სთხოვა, რის შემდეგაც ადგილზე პოლიცია და სასწრაფო სამედიცინო დახმარების ჯგუფი გამოიძახეს.

დაზარალებულის განცხადებით, მამაკაცი საპატრულო ეკიპაჟმა მალევე დააკავა.
თბილისში 20 წლამდე ახალგაზრდა ერთ-ერთი მაღალსართულიანი შენობიდან გადმოვარდა
თბილისში 20 წლამდე ახალგაზრდა ერთ-ერთი მაღალსართულიანი შენობიდან გადმოვარდა
უბედური შემთხვევა თუ თვითმკვლელობა - თბილისში 20 წლამდე ახალგაზრდა ერთ-ერთი მაღალსართულიანი შენობიდან გადმოვარდა. ერთ-ერთი ვერსიით ის გადმოხტა, თუმცა ზუსტი ინფორმაცია ამ დრომდე უცნობია. ადგილობრივები აცხადებენ, რომ ისინი ახალგაზრდას არ იცნობენ და ბიჭი იქ არ ცხოვრობდა, ის სავარაუდოდ ღია ტიპის სადარბაზოდან გადმოვარდა.

შემთხვევიდან საათნახევრის განმავლობაში ცხედარი ადგილზე რჩებოდა, რის შემდეგაც ახალგაზრდა მამაკაცი ექსპერტიზაზე გადაასვენეს.

დაღუპული საქართველოს მოქალაქეა. მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
15 წლის მოზარდი ქურდობის ბრალდებით, თბილისში დააკავეს
15 წლის მოზარდი ქურდობის ბრალდებით, თბილისში დააკავეს
შსს-ს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 2003 წელს დაბადებული ა.ა., ქურდობის ბრალდებით, თბილისში დააკავეს.

ამის შესახებ ინფორმაციას შსს ავრცელებს, სადაც ნათქვამია, რომ დანაშაული 3-დან 5 წლამდე ვადით თავისუფლების აღკვეთას ითვალისწინებს.

"გამოძიებამ დაადგინა, რომ დაკავებულმა თბილისში მდებარე ორი მაღაზია, რესტორანი და ტურისტული ოფისი გაქურდა. სამართალდამცველებმა ნაქურდალი ნივთების ნაწილი ნივთმტკიცებად ამოიღეს," - ნათქვამია ინფორმაციაში.

გამოძიება ქურდობის ფაქტზე მიმდინარეობს.
koncerti