ინგრედიენტები
კარტოფილი - 8 ცალი
ნიორი - 3 კბილი
კამა - 1 კონა
კარაქი - 30 გ
ზეთი
მარილი

მომზადების წესი:
კარტოფილი კარგად გარეცხეთ, გააკეთეთ თითოეულის ცენტრში დანით ჯვრის ფორმის ჩანაჭერი. მოხარშეთ კანიანად მარილწყალში 10 წუთის განმავლობაში (ბოლომდე არ უნდა მოიხარშოს). შემდეგ გადაუღვარეთ წყალი და გააცივეთ.
წაუსვით თითოეულ კარტოფილს ზეთი და მოათავსეთ ღუმელის ლითონის ფირფიტაზე.
შედგით 180 გრადუსზე გახურებულ ღუმელში 20-25 წუთი.
დაჭერით წვრილად კამა. დაჭყლიტეთ ნიორი და დაუმატეთ დარბილებული კარაქი.
ყველაფერი კარგად აურიეთ.
გამოიღეთ კარტოფილი ღუმელიდან და თითოეულის გულში ჩადეთ ნივრიანი კარაქი.
გემრიელად მიირთვით!

ინგრედიენტები
ფხვიერი ქარხნული ნამცხვარი "პეჩენია" - 1 შეკვრა
შავი შოკოლადი - 200 გ
შესქელებული რძე - 1 ქილა
კარაქი - 100 გ
კაკაო - 1 ს/კ
შაქრის პუდრა

მომზადების წესები
ფხვიერი ნამცხვარი დავტეხოთ. შოკოლადი და კარაქი გავადნოთ ორთქლის აბაზანაზე, დავუმატოთ შესქელებული რძე და კაკაო, გავხსნათ ბოლომდე ყველა ინგრედიენტი და დავასხათ დაფხვნილ ნამცხვარს. მასა კოვზით ამოვურიოთ, შემდეგ გავშალოთ საკვებ ცელოფანზე, მივცეთ ძეხვის ფორმა, მჭიდროდ გავახვიოთ და შევინახოთ მაცივარში მინიმუმ 2 სთ. გამაგრებულ ნამცხვარს მოვაცილოთ ცელოფანი და ამოვავლოთ შაქრის პუდრში.

ინგრედიენტები
მოხარშული კარტოფილი - 3-4 ცალი
თევზის ფილე - 600 გ
გახეხილი ყველი - 100 გ
მარილი და პილპილი
სოუსი
რძე - 300 მლ
კარაქი - 50 გ
მარილი
ფქვილი - 1 ს.კ
მუსკატის კაკალი (ჯავზი) - მწიკვი

მომზადების წესები
მოამზადეთ სოუსი "ბეშამელი": კარაქი გაადნეთ დაბალ ცეცხლზე, დაამატეთ ფქვილი და კარგად მოურიეთ ხელის სათქვეფით. შუშეთ 30-60 წამი, შემდეგ დაამატეთ მუსკატის კაკალი, რძე და მარილი. კარგად გახსენით და მიიყვანეთ ადუღებამდე. შემდეგ დაბალ ცეცხლზე ხარშეთ შესქელებამდე, დაახლოებით 1 წუთი.
თევზის ფილე დაჭერით საჭუალო ზომის ნაჭრებად და მოასხურეთ ლიმონის წვენი. მოაყარეთ მარილი და ამოავლეთ ფქვილში. შებრაწეთ ტაფაზე ორივე მხრიდან.
ღუმელი გაახურეთ 180-200 გრადუსზე. ფორმას წაუსვით კარაქი, ძირში დაალაგეთ მოხარშული კარტოფილი, დაჭრილი, შედეგ გადაიტანეთ თევზის ნაჭრები. მოასხით სოუსი და მოაყარეთ გახეხილი ყველი. მოამზადეთ ღუმელში, სანამ ოქროსფერს არ მიიღებს.

მკაცრი დიეტება დეპრესიაში გაგდებს? საბედნიეროდ, არსებობს ისეი პროდუქტი, როგორიც ბანანია! გავრცელებული მოსაზრების მიუხედავად, თითქოს ბანანა ყველაზე კალორიული ხილის, მისგან ყველაზე მძლავრი პროტეინული კოქტეილი მზადდება.

ამ სასმლით 1 ან 2 კვების ჩანაცვლებით, თქვენ მოიკლავთ შიმშილს რამდენიმე საათით და შეამცირებთ დღიური კალორიერების ნორმას.

ინგრედიენტები
ბანანი - 1 ცალი
ფორთოხალი - 1 ცალი
მაწონი ან ნატურალური იოგურტი - 150 ლ
ქოქოსის ზეთი - საკვები, 1 ჩ/კ
დაფქული ჯანჯაფილი (კოჭა)' - 1/4 ჩ/კ
სელის თესლი - 2 ჩ/კ

მომზადების წესი:
ფორთოხალი და ბანანა გაფცქვენით და მოათავსეთ ბლენდერში.
დაუმატეთ დანარჩენი ინგრედიენტები და ათქვიფეთ ერთგვაროვანი მასის მიღებამდე.
ცხიმისმწველი კოქტეილი მზად არის!
ბანანი შეიცავს დიდი რაოდენობით კალიუმს, ასევე სხვა ისეთ ნივთიერებებს, რომლებიც აჩქარებენ მეტაბოლიზმს. სელის თესლი, ჯანჯაფილი, რძემჟავა ბაქტერიები, უჯრედისი, პექტინი და ვიტამინი C – ყველა ამ ნივთიერებას ორგანიზმიდან მავნე ნივთიერებები, ტოქსინები გამოაქვს.
ამ კოქტეილით, ერთგვარად გვი შენს ნაწლავებს და ასუფთავებ მათ შლაკებისგან, რომლებიც წლების განმავლობაში გროვდება!

ინგრედიენტები
ჭყინტი ყველი - 600 გ
ფქვილი - 1 კგ
კვერცხი - 2 ცალი
შაქარი - 20 გ
არაჟანი - 1 ჩ/ჭ
მარილი - გემოვნებით

მომზადების წესები
ჭყინტი ყველი ავფშვნათ, ჩავაზილოთ კვერცხი, ცოტა მარილი და შაქარი. ჩვეულებრივი ცომი დავჭრათ ნაჭრებად, გავაბრტყელოთ, მოვაყაროთ ეს შეზავებული მასა და მოვუკრათ თავი. მივიღებთ პატარა კვერებს, რომლებიც უნდა მოვხარშოთ მდუღარე წყალში. უკვე მოხარშული კვერი ზევით ამოტივტივდება. ამოვიღოთ ქაფქირით და მოვასხათ არაჟანი. ეს ხაჭაპური კარგია ცხლად.



გემრიელად მიირთვით!

მარტივი ცომის რეცეპტი, ნამდვილი იტალიური პიცისთვის.
ინგრედიენტები
ფქვილი - 1 კგ
საფუარი - 1 სკ
მარილი - 1 ჩკ
ზეთი - 4 სკ
შაქარი - 1 სკ
წყალი - 650 მლ

მომზადების წესები
ჩაასხით ჯამში წყალი, ზეთი, ჩაყარეთ საფუარი,შაქარი, მარილი და დადგით რამოდენიმე წუთი.
მოათავსეთ ფქვილი სამუშაო მაგიდაზე, გაუკეთეთ ღრმული. ჩაასხით ღრმულში მომზადებული საფუვრიანი მასა და ნელნელა შეურიეთ ფქვილი. როცა მთელი მასა შეერევა ერთმანეთს, გააგრძელეთ ცომის ზელა სანამ ელასტიური და პრიალა გახდება.
ჩადეთ ცომი ჯამში, შეფუთეთ ცელოფნით და დაელოდეთ აფუებას.
გამოცხობის წინ ცომი მსუბუქად დაამუშავეთ ხელით და დაყავით ნაწილებად. ამ პორციიდან გამოგივათ 6-7 საშუალო პიცის ცომი.
თუკი მაშინვე არ დაგჭირდათ შეგიძლიათ შეახვიოთ ცელოფანში და შეინახოთ მაცივარში რამოდენიმე დღით.

ინგრედიენტები
ძროხის ან ღორის ხორცი ( ან მათი ნარევი) - 4 კგ
ხახვი - 4-5 თავი
ნაწლავი - საჭირო რაოდენობის
პილპილი - გემოვნებით
კოწახური - გემოვნებით
მარილი - გემოვნებით
ხმელი ქონდარი - 2 ჩ/კ
უცხო სუნელი - 2 ჩ/კ

მომზადების წესები
ავიღოთ გარეცხილი მსუქანი ძროხის ხორცი, ან ღორის ხორცის რბილი ნაჭერი,ან მათი ნარევი და ხახვთან ერთად ორჯერ გავატაროთ ხორცსაკეპ მანქანაში. დაკეპილი ხორცი შევაზავოთ მარილით,დანაყილი პილპილით, კოწახურითა და სუნელებით - კარგად დავზილოთ,თან ცოტ-ცოტა ხორცის ბულიონი დავასხათ, რომ ხორცი იყოს ნაზი. ავიღოთ საქონლის (ან ღორის) გამხმარი ნაწლავი, კარგად გავრეცხოთ და დავალბოთ თბილ წყალში 10-15 წუთი. განიერძძირიანი ძაბრი წამოვაცვათ ნაწლავებს და შეზავებული, დაკეპილი ხორცით გავტენოთ. თითოეული კუპატის თავი და ბოლო შევაერთოთ , ძაფებით შევკრათ და დავკიდოთ შესანახად.

ინგრედიენტები
ფქვილი - 3 ჭიქა
კარაქი - 200 გ
ვანილი - 1 პაკეტი
კვერცხი - 1 ცალი
შაქარი - 8 ს/კ
დაფქვილი ნიგოზი ან თხილი - 5 ს/კ
ნებისმიერი ხილის ჯემი - 3-4 ს/კ

მომზადების წესები
2 ჭ. ფქვილი, 3 ს/კ შაქარი, 1 კვერცხი, 1 პაკეტი ვანილი და 125 გრ. კარაქი(პატარა ნაჭრებად დაჭრილი) მოვათავსოთ ჯამში და უცებ მოვზილოთ ელასტიური ცომი.
ფქვილმოყრილ მაგიდაზე გავაბრტყელოთ ცომი, გადმოვიტანოთ ცხიმწასმულ საცხობ ფირფიტაზე და წავუსვათ ჯემი(ცომი გვერდებზე ცოტა ამოვკეცოთ),თავზე მოვაყაროთ ფხვიერი მასა და გამოვაცხოთ ღუმელში 200 გრადუსზე. დაახლოებით 15-20 წუთში ცხვება.
ფხვიერი მასა შემდეგნაირად მოვამზადოთ:
1 ჭ. ფქვილი, 5 ს/კ შაქარი, 5 ს/კ დაფქვილი თხილი ან ნიგოზი, 75 გრ. კარაქი ავურიოთ ერთმანეთში და მასა ხელით ავაფხვიეროთ.

ინგრედიენტები
ქათმის ფილე - 400 გ
დაჭრილი ნიგოზი - 100 გ
ბროწეულის მარცვლები - ერთი მუჭა
ხახვი - 1 თავი
ხმელი სუნელი - ან მშრალი აჯიკა სურვილისამებრ
მარილი და პილპილი
ზეთი შესაწვავად

მომზადების წესები:
მოხარშული ქათმის ფილე ხელით აძენძეთ.
დაუმატეთ ბლენდერში დაფქული ნიგოზი და ბროწეულის მარცვლები.
ხახვი დაჭერით წვრილად და მოხრაკეთ საშუალო ცეცხლზე ზეთში.
დაუმატეთ ქათმის ფილეს.
შეანელეთ მარილით, პილპილით და სასურველი სანელებლებით.
გემრიელად მიირთვით!

ინგრედიენტები
ფქვილი - 500 გ
შაქარი - 50 გ
წყალი - 120 მლ
რძე - 100 მლ
კვერცხი - 2
კვერცხის გული - 2
კარაქი - 100 გ
მარილი - 1/2 ჩ.კ
საფუარი - 1 - 1.5 ჩ.კ
მოხარშული კრემი ან ჯემი

მომზადების წესები
თბილ რძეში ჩაადნეთ კარაქი, თბილ წყალში კი საფუარი გახსენით. ყველა ინგრედიენტი თასში მოათავსეთ და მოზილეთ ცომი. ცომს ზელვა სჭირდება იმდენ ხანს, სანამ ელასტიური არ გახდება და ხელს აღარ მიეკრობა. დააფარეთ თავზე და აცალეთ აფუება 1-1.5 საათი. თუ მაშინვე არ გსურთ მომზადება, მოზელვის შემდეგ მთელი ღამით მაცივარში შეინახეთ.
გაფუებული ცომი გააბრტყელეთ 1.5 სმ სისქეზე და გამოჭერით 7 სმ დიამეტრის წრეები. დაალაგეთ ფქვილმოყრილ დაფაზე, გადააფარეთ პირსახოცი და დატვეთ ამგვარად 1 საათი.
ღრმა ჭურჭელში, საშუალო ცეცხლზე გააცხელეთ ზეთი. ჩადეთ 2-3 ცალი ფუნთუშა და შეწვით ორივე მხრიდან. გადმოიღეთ ქაღალდის ხელსახოცზე და მოაფრქვიეთ შაქრის პუდრა, ან დარიჩინისა და პუდრის ნარევი.
ფუნთუშები გააგრილეთ ოთახის ტემპერატურამდე, ჩაჭერით მაკრატლით და გულში ჩაუდეთ მოხარშული კრემი ან ჯემი.

ინგრედიენტები
ქინძი - 1 კონა
მარილი და პილპილი
მწარე წიწაკა, წითელი - 1/2
ნიგოზი - 50 გ
წითელი ხახვი - 1
ტკბილი წიწაკა, წითელი - 1
მოხარშული საქონლის ხორცი - 300 გ
ლობიოს კონსერვი - 1 ქილა
ნივრის კბილი - 2-3
ხმელი სუნელი
ზეითუნის ზეთი - 3-5 ს.კ
ძმარი - 1 ს.კ
მომზადების წესები
ხახვი თხელ ნახევარრგოლებად დავჭრათ, წიწაკა ჩხირებად, ხორცი კუბებად. მწარე წიწაკას თესლი გამოვაცალოთ და ძალიან წვრილად დავჭრათ, ნიორი დავჭყლიტოთ, ნიგოზი მსუბუქად მოვხალოთ და დავჭრათ. ლობიოს კონსერვს წვენი გადავუწუროთ.
ყველა ინგრედიენტი ერთმანეთში ავურიოთ. დავამატოთ მარილი, პილპილი და ხმელი სუნელი, დაჭრილი ქინძი
მოვამზადოთ სოუსი: ზეითუნის ზეთი და ძმარი შევურიოთ და მოვასხათ სალათას.

ინგრედიენტები
ფქვილი - 240 გ
კარაქი - 120 გ
შაქარი - 60 გ
კაკაო - 1 ს/კ
გამაფხვიერებელი - 2 ჩ/კ
მოხარშული შესქელებული რძე - 1 ქილა
შოკოლადის მინანქრისთვის:
კარაქი - 30 გ
შავი შოკოლადი - 150 გ

მომზადების წესი:
დარბილებული კარაქი და შაქარი ათქვიფეთ მსუბუქი, ჰაეროვანი მასის მიღებამდე. დაუმატეთ ფქვილი, გამაფხვიერებელი და კაკაო, აურიეთ. გადაიტანეთ მასა ცხიმწასმულ ფორმაში, დაჩხვილეტეთ მთელი ზედაპირი ჩანგლით და შედგით საყინულეში 10-15 წუთით.

შემდეგ გამოიღეთ საყინულედან და შედგით 180 გრადუსზე გახურებულ ღუმელში, აცხვეთ 20 წუთი. ოდნავ უნდა შეყავისფრდეს, არ გადააჭარბოთ ცხობისას.

გამოიღეთ ღუმელიდან ბისკვიტი. გაანაწილეთ მასზე მოხარშული შედედებული რძე. შედგით 1 საათით მაცივარში.

შოკოლადის მინანქრისთვის:

გაადნეთ შოკოლადი წყლის აბაზანაზე. დაუმატეთ კარაქი, აურიეთ ერთგვაროვანი მასის მიღებამდე და მოასხით ზემოდან ნამცხვარს. მოასწორეთ მინანქარი და შედგით მაცივარში.
როცა შოკოლადი გამაგრდება, შეგიძლიათ დაჭრათ და მიირთვათ.

შეეცადეთ მოერიდოთ ზედმეტ მავნე დანამატებს და მოამზადეთ შესქელებული რძე სახლში
ინგრედიენტები

რძე - 200 მლ
შაქარი - 200 გრ
კარაქი - 20 გრ

მომზადების წესები
მოათავსეთ მაღალ ქვაბში რძე, შაქარი და კარაქი, დადგით ცეცხლზე, როგორც კი დუღილს დაიწყებს, მოუმატეთ ცეცლს და ადუღეთ 10 წუთი.
მიიღებთ ძალიან თხელ მასას, მაგრამ არ შეშინდეთ, გააგრილეთ, ჩაასხით ქილაში, შედგით მაცივარში და რამოდენიმე საათში გასქელდება.

ყველაზე გემრიელი თონეში გამომცხვარი ნაზუქია, მაგრამ მისი გამოცხობა ღუმელშიც შეიძლება. გთავაზობთ რეცეპტს, რომელიც ორივე შემთხვევაში შეგიძლიათ გამოიყენოთ. ამ რეცეპტით საოცრად გემრიელი ნაზუქი ცხვება და არაფერი აქვს საერთო სურამში გზის პირას გასაყიდად გამოტანილ სუროგატებთან.

ინგრედიენტები მოცემულია დიდი რაოდენობით, რადგან განკუთვნილია თონეში ცხობისთვის. ღუმელში გამოცხობის დროს გაანახევრეთ ან სულაც ოთხად გაყავით. ამ რაოდენობის ინგრედიენტებით თონეში 20 დიდი ნაზუქი ცხვება.
ინგრედიენტები
კვერცხი - 4 ცომში, 7 ზემოდან გადასასმელად
მაწონი - 800 გ
ვანილი - 2-3 პაკეტი
დარიჩინი - 2 ჩ.კ. დაფქული
მიხაკი - 2 ჩ.კ. დაფქული
რძე - 3 ლ
შაქარი - 3 კგ
ფქვილი - დაახლოებით 4 კგ
საფუარი - 2-3 ს.კ
ზეთი - 400 გ
ქიშმიში
მომზადების წესები
საფუარი თბილ რძეში გახსენით და აფუება აცალეთ. შაქარიც თბილ რძეში უნდა გაიხსნას.

ფქვილს შუაში გაუკეთეთ ღრმული, ჩაასხით საფუარიანი მასა, შაქრიანი რძე, მაწონი, ზეთის ნახევარი, კვერცხები და სანელებლები (სანელებლების რაოდენობა გემოვნების მიხედვით შეგიძლიათ გაზარდოთ). დაიწყეთ ცომის მოზელვა.ზელვა საჭიროა დიდხანს, სანამ ცომი არ გახდება ელასტიური, მკვრივი და ბუშტუკებიანი, ხელები ისველეთ დარჩენილ ზეთში. დიდხანს ზელით ცომი ჟანგბადით მდიდრდება. უნდა იყოს დაახლოებით როგორც პურის ცომი, რადგან უფრო რბილი თუა თონეში ჩავარდება, არ მიეკრობა. თუ თონეში არ აცხობთ, შეგიზლიათ უფრო რბილი ცომი მოზილოთ. ბოლოს შეურიეთ ქიშმიშიც. შემდეგ დადგით ასაფუებლად.

ამის შემდეგ წესით თონე უნდა გაახუროთ. გათქვეფილი კვერცხი ესმევა უკვე ჩაკრულ ნაზუქს, სასურველია ორჯერ წასმა, უფრო მკვეთრი ფერისთვის. ამას გაზქურაში ვერ გააკეთებთ, უბრალოდ გამოცხობის წინ წაუსვამთ კვერცხს( ამ შემთხვევაში ნაკლები რაოდენობის კვერცხი დაგჭირდებათ, რადგან თონისგან განსხვავებით ჰორიზონტალურ მდგომარეობაში ცხვება) და პირდაპირ გამოაცხობთ, ზემოდან გრილით დაბრაწეთ.
ბოლოს თონეში ჩაყარეთ 1-2 მუჭა შაქარი და სწრაფად დააფარეთ (როგორც წესი ფიცრებს აფარებენ ხოლმე) ზემოდან კი რაიმე სქელი ქსოვილი, თუნდაც ძველი ტანსაცმელი, რომელსაც აღარ იცვამთ. შაქრის ჩაყრისას ამოდის საშინელი ბოლი, რომელიც თვალებს დაგწვავთ თუ დროზე არ დააფარებთ. ამ დამწვარი შაქრის ბოლში ცხვება ნაზუქი.

პ.ს. გაზქურაში ცხობისას შაქარი არ შეაყაროთ, ვინმეს ხანძარი არ ეგონოს :)

ინგრედიენტები
ბადრიჯანი - 2-3 ცალი
დაჭრილი პომიდორი საკუთარ წვენში, ცოცხალი ან კონსერვირებული - 500 გ
ხაჭო - 150 გ
ყველი - 200 გ
კვერცხი 1
ნიორი - 1 კბილი
ქინძი - 1 კონა
ზეითუნის ზეთი - 2 ს/კ
მარილი და პილპილი

მომზადების წესები:
ბადრიჯანი დავჭრათ სიგრძეზე, თანაბარი ზომის ნაჭრებად. დავაწყოთ საცხობ ფურცელზე, მოვაყაროთ მარილი და მოვასხათ 1 ს.კ. ზეთი. შევდგათ ღუმელში შესაწვავად. სანამ ბადრიჯანი იწვება, მოვამზადოთ გულსართი: ხაჭოს დავუმატოთ 100 გ გახეხილი ყველი, 1 კვერცხი და წვრილად დაჭრილი ქინძის ნაწილი. დაკონსერვებული პამიდორი ბლენდერში ავთქვიფოთ (შეგვიძლია ახალი პამიდვრის გამოყენებაც), დავუმატოთ ნიორი, დარჩენილი ქინძი, 1 ს.კ. ზეთი, მარილი და პილპილი.
საცხობი ფორმის ძირზე მოვასხათ პამიდვრის სოუსის ნაწილი. ბადრიჯნის შემწვარ ფენებში ჩავდოთ გულსართი და გადავახვიოთ, შემდეგ ჩავაწყოთ ფორმაში. ზემოდან დავასხათ დარჩენილი პამიდვრის სოუსი, მოვაწყოთ ყველის ნაჭრები და 20-25 წუთით შევდგათ ღუმელში საბოლოო მომზადებამდე.

მომზადების წესები
ხორცი დანით ძალიან წვრილად დავკეპოთ, დავუმატოთ წვრილად დაჭრილი ხახვი, ნიორი, სანელებლები, ზეთი და ხელით 20-25 წუთი ვზილოთ.
ცომი გავყოთ სამად და თხლად გავაბრტყელოთ, თითოეულში ჩავდოთ გულსართი და სასურველი ფორმით შევკრათ, ზემოდან
წავუსვათ გათქვეფილი კვერცხის გული და 200 გრადუსზე გამოვაცხოთ.

ინგრედიენტები
ნებისმიერი სახეობის ყველი - 150 გ
ფქვილი - 2 ჭიქა
შაქარი - 1/2 ჩ/კ
მარილი - 1/2 ჩ/კ
სოდა - 1/2 ჩ/კ
ზეთი - ტაფაზე წასასწმელად

მომზადების წესები:
თბილი კეფირი ჩაასხით ღრმა ჯამში, დაუმატეთ შაქარი, მარილი და სოდა. მოურიეთ დ აგააჩერეთ 5 წუთით.
წვრილ სახეხზე გახეხეთ ყველი, ფქვილთან ერთად დაუმატეთ კეფირის მასას და მოზილეთ ცომი ჯერ კოვზით, შემდეგ 3 წუთის განმავლობაში ხელით.
გაყავით ცომი 5 თანაბარ ნაწილად, გააბრტყელეთ თითოეული და შეწვით სათითაოდ ზეთწასმულ ტაფაზე, საშუალო ცეცხლზე, თითოეულ მხარეს 2-3 წუთით.
მიირთვით ცხელ-ცხელი!

ინგრედიენტები
პიტნა - 2-3 ტოტი
ჯანჯაფილი (კოჭა) - 2-3 სმ
ლიმონი - 1
შავი ჩაი - 5 პაკეტი
შაქარი - გემოვნებით

მომზადების წესები
ჭურჭელში მოათავსეთ ჩაის პაკეტები, პიტნა, ლიმონის კანი და დაჭრილი ჯანჯაფილი. დაასხით 1.5 ლ მდუღარე წყალი და დააყენეთ 5 წუთი. შემდეგ ჩაის პაკეტები ამოიღეთ, დანარჩენი კი დატოვეთ კიდევ ცოტა ხანს, სანამ ჩაი შეგრილდება. გაწურეთ და დაამატეთ ლიმონის წვენი, ასევე შაქარი გემოვნებით.
მიირთვით ცივი, ყინულით და ლიმონის ნაჭრებით

 

 

 

 

მომზადების წესები

ინგრედიენტები
მზესუმზირა - 2 ჭიქა
ფქვილი - 1,5 ჭიქა
წყალი - 0,5 ჭიქა
მზესუმზირის ზეთი - 150 მლ

მომზადების წესები
1)მზესუმზირა მოვხალოთ და გავფრცქვნათ ხორცსაკეპ მანქანაში, ასევე ფქვილიც ცეცხლზე მოვხალოთ, ოდნავ ფერი შევუცვალოთ და შევურიოთ მზესუმზიას.
2)წყალი და შაქარი დავდგათ ცეცხლზე და მივიყვანოთ დუღილამდე, შაქარი უნდა გადნეს.
3)სიროფი და მზესუმზირის ნარევი ერთმანეთში შევურიოთ.
4)როცა ერთიან მასას მივიღებთ, გადავიღოთ ფორმაში სადაც იქნება ჩაფენილი ცელოფანი .თავზე აუცილებლად დავაფაროთ.

გემრიელად მიირთვით!

ინგრედიენტები
ცომი:
ფქვილი - 1 კგ
შაქარი - 140 გ
მარილი - 2 ჩ/კ (არასავსე)
მშრალი საფუარი - 20 გ ან ნედლი 42 გ
თბილი რძე - 500 მლ
დარბილებული კარაქი - 150 გ
ზეთი - 2 ს/კ
კვერცხი - 2 ცალი
ვანილი
გულსართისთვის:
კარაქი - 50 გ
თხილი ან ნიგოზი - გატარებული ნიგოზი 200 გ
შაქარი - 80 გ
რძე - ცოტაოდენი
დარიჩინი - 1 ჩ/კ

მომზადების წესები:
ცომი:
დიდ ჯამში ჩაცერით ფქვილი. თბილ რძეში გახსენით საფუარი, დაუმატეთ შაქარი და ვანილი. კარგად აურიეთ.
დაუმატეთ კვერცხი და კარგად ათქვიფეთ ხელის ზამბარით.
ჩაუშვით ეს თხევადი მასა ფქვილში, დაუმატეთ მარილი და დარბილებული კარაქი. მოზილეთ რბილი, ელასტიკური ცომი. გადააფარეთ ჩაის ტილო და გააჩერეთ თბილ ადგილას სანამ 2-ჯერ არ მოიმატებს ზომაში. სავარაუდოდ დაგჭირდებათ 2 საათი.
გულსართი:
გაადნეთ კარაქი, დაუმატეთ შაქარი, გატარებული თხილი ან ნიგოზი, დაუმატეთ იმდენი რძე, რომ მიიღოთ სქელი ფაფისებური მასა.
გააბრტყელეთ ცომი სწორკუთხედად, გაანაწილეთ მასზე გულსართი. გადმოკეცეთ ჯერ ცომის ერთი კიდე, შემდეგ - მეორე.
დაჭერით ცომი ზოლებად, დაახვიეთ სიგრძეზე სპირალისებურად და მოათავსეთ პერგამენტდაფენილ ღუმელის ფირფიტაზე.
წაუსვით კვერცხის გული და გააჩერეთ თბილ ადგილას 20 წუთი.
აცხვეთ 20-25 წუთი 200 გრადუსზე გახურებულ ღუმელში.
გემრიელად მიირთვით

ეს რეცეპტი ჩვენმა ერთგულმა მკითხველმა ნაირა მელაძემ მოგვაწოდა, რეცეპტს გთავაზობთ უცვლელად:
ინგრედიენტები
ქათამი
ხახვი - 3 თავი
გატარებული პომიდორი - 1 ჭიქა
ნიგოზი - 300 გ
ნიორი - 3 კბილი
მჭადის ფქვილი - 2 ს/კ
უცხო სუნელი - 1 ჩ/კ
ხმელი სუნელი - 1 ჩ/კ
ყვითელი ყვავილი, დაფქული
ხმელი ქინძი - 1/2 ჩ/კ
წითელი წიწაკა - გემოვნებით
მარილი - გემოვნებით
ძმარი ან ლიმონის წვენი - 2 ს/კ

მომზადების წესები
ქათამი გავრეცხე, დავჭერი და დავდგი მოსახარშად. როცა წამოდუღდა, წვენი გადავღვარე, დავამატე 3 თავი დაჭრილი ხახვი და ცხიმი - მოვშუშე. დავამატე 1 ჭიქა გატარებული პომიდორი , 300 გ ნიგოზი და 3 კბილი ნიორი - დავაბლენდერე , დავამატე 2 ს / კ მჭადის ფქვილი, 1 ჩ/ კ უცხო სუნელი, 1 ჩ/ კ ხმელი სუნელი 1 ჩ/ კ ყვითელი ყვავილი, 1/2 ჩ/ კ ხმელი ქინძი. ამ ყველაფერს დავამატე წყალი ( თვალზომით ) , მიღებული წვენი დავასხი ქათამს, დავამატე მწვანე ქინძის წვენი ( ხელის ბლენდერით დავაბლენდერე) . გავწურე წითელი წიწაკა და მარილი და ბოლოს, დამჭირდა 2 ს/ კ ლიმონის წვენი ან ძმარი. მე ლიმონის წვენი დავამატე.

გემრიელად მიირთვით!

ინგრედიენტები
კარაქი - 500 გ
შაქრის ფხვნილი - 2 ჩ/ჭ
კვერცხი - 5 ცალი
ფქვილი
სოდა - 1 ჩ/კ
ძმარი - 1 ს/კ
ჯემი, ნებისმიერი - გემოვნებით
მარილი - მწიკვი
ვანილი - 1 ცალი

მომზადების წესები
500 გრ კარაქი ავურიოთ 2 ჩ.ჭ შაქრის ფხვნილთან ერთად. ნელ-ნელა დავამატოთ 5 კვერცხის გული,
სოდა-გახსნილი ძმარში, ცოტა მარილი, ვანილი, დავაყაროთ ფქვილი და მოვზილოთ მაგარი ცომი.
გავყოთ სამ ნაწილად ( ორი დიდი, ერთი პატარა) და გამოვაცხოთ ცალ-ცალკე.
ორ ფენას წავუსვათ ჯემი და შევაერთოთ. მესამე ფენა დავფშვნათ და ზემოდან მოვაყაროთ.

ინგრედიენტები
ახალდაფქული ყავა - 4 ჩ/კ (32გ)
შაქარი - 40 გ
წყალი - 1 ფინჯანი

მომზადების წესები
ძალიან წმინდად დაფქვით ყავა - ფქვილისებურ კონსისტენციამდე.
ჯეზევში ჩაყარეთ შაქარი (რა თქმა უნდა, თუ შაქრიან ყავას სვამთ, ამ შემთხვავში), დაფქული ყავა და დაასხით ცივი წყალი.
თუ გაზქურაზე ამზადებთ, დადგით საშუალო ცეცხლზე და მიიყვანეთ ყავა ადუღებამდე. არავითარ შემთხვევაში არ აადუღოთ. როგორც კი პატარა ბუშტუკებს გაიკეთებს, გადმოდგით ჯეზვე ცეცხლიდან და ცოტა ხანს გააჩერეთ.
კვლავ დადგით ცეცხლზე ჯეზვე და გაიმეორეთ პროცედურა მეორედ, მესამედაც (თუ დრო გაქვთ და სურვილი, გაიმეორეთ კიდევ მეტჯერ).
ბევრს დაყანებული ყავის არომატუ უყვარს. როცა ის ჯეზვეში ცოტა ხანს გაჩერებულია ფინჯანში დასხმამდე.
თუ ამზადებთ აპარატზე „ყავა ქვიშაზე“, ჩადგით ჯეზვე ღრმად ქვიშაში, ჩართეთ ყველაზე მაღალ ტემპერატურაზე. როცა ქვიაში 95 გრადუსს მიაღწევს, ამოწიეთ ჯეზვე ქვიშის ზედაპიზე და გააჩერეთ რამდენიმე წუთი,სანამ ყავა ადუღებას არ დაიწყებს.

ინგრედიენტები
ღორის ხორცი, რბილი - 500 გ
ქამა სოკო - 300
ხახვი - 1 დიდი თავი
ყველი - 150 გ
მსხალი - 1-2 ცალი
წითელი ღვინო - 0,5 ჭიქა
მარილი და პილპილი

მომზადების წესები:
დაჭერით ხორცი თანაბარ ნაჭრებად, დაბეგვეთ, დაამარილეთ და მოაყარეთ პილპილი.
სოკო დაჭერით ფირფიტებად, ხახვი - ნახევარწრეებად, მსხალი - პატარა ნაჭრებად, ხველი - მოგრძო, 0,5 სმ სისქის ნაჭრებად.
ხახვი მოხრაკეთ, დაუმატეთ სოკო და თუშეთ 10 წუთი. გააგრილეთ და დაუმატეთ დაჭრილი მსხალი. აურიეთ.
ხორცზე მოათავსეთ სოკოსა და მსხლის გულსართი, ყველის ნაჭერი და გადაახვიეთ რულეტად, შეკარით ძაფით ან დააფიქსირეთ კბილის ჩხირით.
მოათავსეთ რულეტები ზეთწასმულ ფირფიტაზე და აცხვეთ 180 გრადუსზე 10 წუთის განმავლობაში.
შემდეგ თითოეულ რულეტს მოასხით ღვინო და კვლავ შეაბრუნეთ ღუმელში დაახლოებით 10-15 წუთით.
გემრიელად მიირთვით!

ინგრედიენტები
კვერცხი - 3 ცალი
შაქარი - 200 გ
მაწონი - 400 მლ
კარაქი - 100 გ
ვანილი
სოდა ძმრით
დაჭრილი ვაშლი - გემოვნებით
დარიჩინი
მომზადების წესები
3კვერცხს დავუმატოთ 1 ჭიქა შაქარი, კარგად ავთქვიფოთ მიქსერით, დავამატოთ ვანილი,1,5ჩ.კ ძმარი; შემდეგ 1 ქილა მაწონი მასში გახსნილი არასავსე 1.ჩ.კ სოდით ნელნელა შევურიოთ გოგლიმოგლ ს( ესეც მიქსერით ) , შემდეგ 100გრ გამდნარი კარაქი-შეგრილებული, და ნელნელა დავამატოთ 3-3.5 ჭ ფქვილი. ამასობაში გავაცხელოთ ღუმელი 170გრ.ზე, თუ კექსის სქელი ფორმა გაქვთ,წინასწარ გააცხელეთ, მოუსვით ძირზე ზეთი, მოაწყვეთ პატარა ნაჭრებად დაჭრილი ვაშლი ამოვლებული დარიჩინსა და ცოტა შაქარში, და მოვასხათ მომზადებული ცომი. ვაცხობთ 170°ზე 35- 40წთ. შეამოწმეთ ასანთის ღერით მზადაა თუ არა.
გემრიელად მიირთვით!

ინგრედიენტები
კარაქი - 150 გ
შაქარი - 1 ჭიქა
კვერცხის გული - 1 ცალი
არაჟანი - 1 ს/კ
მარილი - მწიკვი
ვანილი
ნახევარი ლიმონის ქერქი
ნაღები - 1 ჭიქა
ფქვილი - 4-5 ჭიქა
კარაქი - 100 გ

მომზადების წესები
მოზილეთ მკვრივი,ელასტიური ცომი და გააჩერეთ.
კრემი:
3 კვერცხის გულისა და 1ჭიქა შაქრისგან ვაკეთებთ გოგლი-მოგლის. ვამატებთ 1ჩ/ჭ (250 გ) თხევად ნაღებს ან რძეს, 4-5ს.კ. ფქვილსა და 1/5 გახეხილი ლიმონის ქერქს. შემდეგ ვუმატებთ მწიკვ მარილსა და ვანილი. კარგად ათქვიფეთ, რომ "კურკუშელები" არ მიყვეს. მოვხარშოთ ფაფა და ბოლოს 100გ კარაქი შეათქვიფეთ.

სანამ კრემი გაცივდება,გამოაცხვეთ ტარტი. შემდეგ მოვასხათ კრემი და გავაფორმოთ, როგორც გინდათ (ხილით,ჯემით,მურაბით , ცუკატებით და ა.შ)
რეცეპტის ავტორი : ეკა ჯიტავა

ინგრედიენტები
კვერცხი - 1 ცალი
დიჟონის მდოგვი - 1 ს/კ
ლიმონის წვენი - 1 ს/კ
ზეთი - (ზეითუნის, მზესუმზირის, ან სხვა) 1 ჭიქა
მწიკვი მარილი


მომზადების წესები
ჩაახალეთ კვერცხი ბლენდერის მაღალ ჭიქაში, ან სხვა ნებისმიერ მაღალყელიან ჭურჭელში.
დაუმატეთ ერთი ს/კ დიჟონის მდოგვი.
აქვე დაუმატეთ ერთი ს/კ ლიმონის წვენი.
ახლა დაუმატეთ 1 ჭიქა ზეთი.
ხელის ბლენდერით დაიწყეთ თქვეფა. არ ამოძრაოთ ბლენდერი. გააჩერეთ ერთ ადგილას და ისე თქვიფეთ.
თუ ზემოდან ზეთი მოიკიდა, ოდნავ ამოწიეთ ბლენდერი და ასე გააგრძელეთ თქვეფა.
ახლა დაუმატეთ მარილი, გასინჯეთ, თუ აკლია, დაუმატეთ გემოვნებით.
სულ ეს იყო.
თუ მაიონეზს ცოტა ხნით მაცივარში მოათავსებთ, გასექლდება და კიდევ უფრო გემრიელი გახდება. თუ მაშინვე გნებავთ, არც ეგ არის პრობლემა, შეგიძლიათ მომზადებისთანავე გამოიყენოთ.
რჩევა: მაიონეზი მაცივარში ინახება არაუმეტეს 7 დღისა.