GOGATV - ინტერნეტ ტელევიზია
  • კორონავირუსით პრინც ჩარლზის ინფიცირების შემდეგ, ექიმები ახლა დედოფლის მდგომარეობას აკვირდებიან

    კორონავირუსით პრინც ჩარლზის ინფიცირების შემდეგ, ექიმები ახლა დედოფლის მდგომარეობას აკვირდებიან. 94 წლის ელისაბედ მეორე სასახლეშია. ირკვევა, რომ მას შვილთან შეხება ბოლოს 12 მარტს ჰქონდა. რაც შეეხება პრინცს, ის ბოლო ორი კვირის განმავლობაში საჯარო შეხვედრებს მართავდა, სადაც, სავარაუდოდ, ვირუსი გადაედო.

    ბოლო 24 საათში 700-ზე მეტი გარდაცვლილი და 69 ათასზე მეტი ინფიცირებული - ასეთია ბოლო მონაცემები იტალიიდან, სადაც თვითიზოლაციაში მყოფი ადამიანების გაკონტროლება სამართალდამცველებმა დრონების მეშვეობით გადაწყვიტეს. მათ, ვინც დაწესებულ აკრძალვებს დაარღვევს, გაზრდილი ჯარიმის გადახდა მოუწევს, რომელმაც ჯამში 135 ევრო შეადგინა.

    დღეს მსოფლიოს თითქმის ყველა ქვეყანაში კათოლიკე და მართლმადიდებლური კონფესიების წარმომადგენლებმა ერთობლივი ლოცვა "მამაო ჩვენო" აღავლინეს. ამ ინიციატივის შესახებ რომის პაპმა ჯერ კიდევ საკვირაო მიმართვისას ისაუბრა. ამ იდეას, როგორც ჩანს, ბევრი მიმდევარი აღმოაჩნდა. 27 მარტს პონტიფიკოსი ლოცვას კიდევ ერთხელ აღავლენს.

    "დებო და ძმებო, დღეს ყველა ქრისტიანი ერთად ვლოცულობთ. ერთდროულად ვლოცულობთ სხვადასხვა ასაკის და ეროვნების ადამიანი. მოდით, უფალს შევავედროთ დაავადებული ადამიანების გამოჯანმრთელება. მინდობილი ვართ უფლის ნებას და ვლოცულობთ მის სახელზე, მთელი გულით,"- განაცხადა რომის პაპმა.
    154 ნახვა
    X
    25-03-2020, 11:53